Aımaqtar • 06 Sáýir, 2021

Aqtóbede «brıtan» shtamy anyqtaldy

283 ret kórsetildi

Aqtóbe oblysynda 3 sáýirde 137 adamnan vırýs anyqtaldy. Onyń 99-y derttiń sımptomdy túrine shaldyqqan. Indetke shaldyqqan 99 adam oblys ortalyǵynda turatyndar, qalǵandary Alǵa, Oıyl, Qobda, Baıǵanın, Mártók, Temir, Hromtaý, Muǵaljar aýdandarynyń turǵyndary. Bir otbasynyń adamdary túgel aýyryp jatqan jaǵdaılar da bar. Juqpaly aýrýlar aýrýhanasyna kóbine egde jastaǵy adamdar aýyr jaǵdaıda túsip jatyr. Qazirgi ýaqytta 1 200 aqtóbelik turǵyn úı karantınine alyndy.

Jaǵdaıdyń kúrdelenýine baılanysty óńirdegi oqýshy sany 300-den astatyn bar­lyq mektep onlaın oqy­týǵ­a kóshti. 3 sáýirde ob­lys­tyq sanıtarlyq-epı­de­mııalyq ba­qy­laý de­partamenti oblys aýma­­ǵyn­da qatań karantın jarııal­ady. Endi senbi kúni sport keshenderi men jattyǵý zaly jumys istemeıtin bolsa, al jeksenbide jabyq azyq-túlik jáne azyq-túlik emes bazarlary jabyldy. Sondaı-aq Halyqqa qyzmet kórsetý or­ta­lyqtary men poshta qyz­meti turǵyndarǵa aldyn ala jazylý boıynsha qyzmet kórsetip, jeksenbide jabylady. Saýna jáne monshalar jumys jáne senbi kúnderi ishki tártipke sáıkes jumys istep, jeksenbi kúni jabylady. Sulýlyq salondary, shashtaraz, SPA ortalyqtary jáne kosmetologııalyq qyz­met kórsetetin ortalyqtar aldyn ala jazylý tártibimen qabyldaıdy. Jabyq sport nysandary (sport keshenderi, sport mektepteri, sport klýb­tary, jattyǵý zaldary), fıt­nes ortalyqtaryna da tur­ǵyndar aldyn ala jazy­lý­y tıis. Bul ortalyqtar senbi jáne jeksenbi kúnderi ju­mys istemeıdi», dep habarlady oblystyq sanıtarlyq-epı­demııalyq baqylaý depar­tamentiniń baspasóz qyz­meti.

Sondaı-aq basseınder ju­mys kúnderi ishki tártipke sáı­­kes qyzmet kórsetse, senbi jáne jeksenbi kúnderi jabyq turady. Oblystyq densaýlyq saqtaý basqarmasynyń basshysy Rústem Isaevtyń ha­bar­­­laýynsha, óńirde koro­na­­vırýstyń «brıtandyq» shta­my shetelden kelgen úsh tur­­­ǵynnan anyqtalǵan. Eger epı­­de­mııalyq ahýal asqynyp, jaǵdaı kúrdelene tússe, naý­qas­tardy qabyldaýǵa Aq­tóbe qalasyndaǵy úsh em­deý mekemesi daıyn tur. Ob­lystyq ınfeksııalyq aýrýha­nada 130 kereýet daıyndalsa, fı­zıo­pýlmonologııalyq or­­­ta­­­­­­­lyq­taǵy kereýetter sany 500-ge kóbeıtildi. Te­mir­ jol aýrýhanasyna 150 kere­ýet­­tik oryn, sonyń ishin­de 25 reanımasııalyq kereýet da­ıyndaldy. Oblystyq pýl­mo­no­logııalyq ortalyqta naý­­qas­tar kóbeıgen soń osyn­da súıek týberkýlezine shal­dyǵyp, emdelip jatqan naý­qas­ balalardy em­deı­tin «Shaǵala» shıpaja­ıyna ornalastyrý týra­ly sheshim qa­byldandy. Al «Sha­ǵa­la­da­ǵy» balalar Qýraıly eldi mekenindegi mek­­tep-ınternatqa kóshi­rile­di.

Toıhanalar men kafeler qatań karantın kezinde de jasyryn túrde toı-to­ma­laqtar, basqosýlar jasaýdan bas tartyp otyrǵan joq. Qazir qalada birneshe monıtorıngtik top reıdke shyǵyp, tek úsh kúnniń ishinde onnan astam karantın talabyn óreskel buz­ǵan derekterdi anyqtap, kásip­ker­lerge aıyppul saldy. Rústem Isaev: «Sońǵy úsh kúnde 600 rezerv qoıdyq. Turǵyndar qatań karantındik sharalardy saqtamasa, jaǵdaı budan da kúrdelene túsedi. Jurtshylyq kóp jınalatyn jerden aýlaq bolyp, betperde kıip, araqashyqtyq saqtap, toı-sadaqany azaıtý kerek. Dárigerler, medbıkeler de demalyssyz jyl boıy jumys istep jatyr. Olarǵa da ońaı emes. Medısınalyq jabdyqtar, dári-dármek qory jetkilikti bolsa da, eń bastysy turǵyndarymyz sanaly áreketke kóshpese bolmaıdy. Kelesi aptadan bastap óńirde turǵyndardy vaksınalaý jumystary qarqyndy túrde júrgiziledi. Sáýirde vaksınanyń úlken partııasy kelgende iri saýda oryndary men gıpermarketterde de vaksınalaý júrgizemiz», dedi.

Qatań karantınniń qashan aıaqtalatyny belgisiz. Ázirge oblys ortalyqtary arasynda blok-beketter qoıylýy týraly másele kóterilgen joq.

 

Aqtóbe oblysy

 

Sońǵy jańalyqtar

Kaspıı teńizine úsh adam batyp ketken

Aımaqtar • Búgin, 21:18

Tekeli laı kóshkininen tazartylyp jatyr

Aımaqtar • Búgin, 19:53

Bıyl Almatyda myń jas baspanaly bolady

Aımaqtar • Búgin, 17:44

AQSh-ta shirkeýge shabýyl jasaldy

Oqıǵa • Búgin, 17:15

Batys Qazaqstanda jastar shtaby quryldy

Aımaqtar • Búgin, 16:23

Dollar qymbattady

Qarjy • Búgin, 15:55

Uqsas jańalyqtar