Júlde qory 565 530 dollardy quraıtyn jarysta alǵashqy bolyp Iаroslava Shvedova kortqa shyqty. О́kinishke qaraı, jerlesimizdiń joly bolmady. Uzaqqa sozylǵan úzilisten keıin úlken sportqa qaıta oralǵan Shvedova japonııalyq Mısakı Doıdan utylyp qaldy. Esep – 3:6, 3:6.
Kóp uzamaı Zarına Dıas jarys kórigin qyzdyrdy. Ol reseılik Natalıa Vyhlıansevanyń tas-talqanyn shyǵardy – 6:3, 6:1.
Odan keıin Iýlııa Pýtınseva ulybrıtanııalyq Herrıet Dartpen sheberlik baıqasty. Bul tartys esebimen 7:6, 6:4 esebimen otandasymyzdyń paıdasyna sheshildi.
Búgin Elena Rybakına amerıkalyq Ketı Maknellımen saıysqa tústi. Alǵashqy sette AQSh tennısshisi utty. Sodan keıin densaýlyǵy syr berýine baılanysty Rybakına básekeni jalǵastyrýdan bas tartty.
Ekinshi kezeńde Qazaqstanny qos tenısshisi ózara kúsh synasady. Esterińizge sala keteıik, qazirgi kezde álemdik reıtıngte Iýlııa Pýtınseva 31-oryndy ıelenýde, al Zarına Dıas 88-satyǵa jaıǵasty.
