Besinshi sáýirde boıynan indet belgisi bilingender qatary taǵy 34 adamǵa artqan. Olardyń basym bóligi COVID-19 ınfeksııasyn juqtyrǵandarmen jaqyn qarym-qatynasta bolǵandar arasynan shyǵyp otyr.
Onyń toǵyzy Qazaly aýdanyndaǵy «О́rimtal» balabaqshasynan tirkelgen. Qazir aýrý oshaǵynda epıdemııaǵa qarsy barlyq is-sharalar júrgizildi, qarym-qatynasta bolǵandar sheńberi anyqtalyp, medısınalyq baqylaýǵa alyndy. Zertteý jumystary jalǵasýda, qajet bolǵan jaǵdaıda balabaqsha tolyǵymen karantınge jabylýy múmkin.
Koronavırýstyq ınfeksııa «Sıbý-Qyzylorda» mekemesiniń vahtalyq jumysshylary arasynda da tirkeldi. Vırýs juqtyrǵan bir adammen baılanysta bolǵan 36 jumysshy oqshaýlanyp, PTR synamalary alyndy. Synama taǵy 10 jumysshy dert juqtyrǵanyn kórsetip otyr. Qazir aýrý oshaǵyna aınalǵan vahtalyq qalashyq karantınge jabylyp, qarym-qatynasta bolǵandardyń barlyǵy medısınalyq baqylaýǵa alyndy.
– Ujymdarda vırýs juqtyrý derekteri jıilep tur. Sondyqtan jumys berýshiler sanıtarııalyq-epıdemıologııalyq, dezınfeksııalyq talaptardyń oryndalýyna jiti mán bergeni jón, – deıdi oblystyń bas sanıtary.
