Sheshýshi básekeni jerlesterimiz syrt alańda ótkizdi. Soǵan qaramastan Majarstan quramasynyń tas-talqanyn shyǵardyq. Birinshi kezeńde Shyńǵys Esenamanov, Azat Valıýllın jáne Taınan qarsylastar qaqpasyn dál kózdese, Imre Nod avtogoldyń avtory atandy. Úzilisten keıin de Kaka jetekshilik etken komanda óz qarqynyn báseńdetken joq. Bizdiń jigitter taǵy eki márte nysanany dál kózdedi. Bul goldardy Dýglas Jýnıor pen Albert Akbalıkov soqty. Alań ıeleri bir ǵana doppen jaýap qaıyrdy.
Sóıtip, Býdapeshte ótken básekede 6:1 esebimen jeńiske jetken Qazaqstan quramasy tórt kezdesýden keıin 12 upaı jıyp, óz tobynda birinshi oryn aldy. Osy jeńistiń arqasynda otandastarymyz «Evro-2022» dodasynyń joldamasyna ıelik etti.
