Jergilikti atqarýshy jáne qorǵanshylyq organdary, qoǵam belsendileri beınekameralardaǵy jazbalar boıynsha monıtorıng júrgizip, faktileri anyqtalǵan jaǵdaıda birigip dabyl qaǵyp, tıisti sharalar qoldanady.
Beınebaqylaý júıeleri menshik nysanyna qaramastan, memlekettik, sondaı-aq jekemenshik mektepke deıingi jáne orta bilim berý uıymdarynda ornatylǵan. Búgingi tańda elimizdegi balabaqshalar men mektepterdiń barlyǵy derlik beınekameralarmen qamtamasyz etilgen.
«Bilim berý uıymdarynda ornatylǵan beınekameralardyń arqasynda biz balalardyń quqyqtaryn buzý jáne olarǵa qatygezdik tanytý faktilerin der kezinde anyqtap, jedel shara qoldana alamyz. Sońǵy ýaqytta balalarǵa qatysty mundaı faktiler kóbeıgen sııaqty bolyp kórinýi múmkin, biraq ol olaı emes. Shyn máninde, mundaı jaǵdaılar týraly kópshilik ornatylǵan kameralar arqyly bile bastady. Qolda bar beınejazbalardy paıdalana otyryp, tıisti organdar balalardyń quqyqtaryn qorǵaý boıynsha jedel sheshimder qabyldap jatyr», dedi QR BǴM Balalardyń quqyqtaryn qorǵaý komıteti tóraǵasynyń orynbasary Iýlııa Ovechkına.
