– Iran – Qazaqstannyń Taıaý Shyǵystaǵy mańyzdy seriktesteriniń biri. Zaman qalaı qubylsa da, elderimiz arasyndaǵy jaqsy qarym-qatynastar úzilgen joq. Halyqaralyq ahýal ózara yntymaqtastyǵymyzdyń damýyna áser etpedi. Biz bul jaǵdaıdy joǵary baǵalaımyz. Osy múmkindikti paıdalana otyryp, Iran Prezıdenti Hasan Rýhanıǵa júrekjardy sálemimdi joldaımyn, – dedi Qasym-Jomart Toqaev. 
О́z kezeginde Mohammad Djavad Zarıf Qazaqstan Prezıdentiniń qonaqjaılyq tanytqanyna alǵys aıtyp, Nur-Sultan qalasyna taǵy da kelýge qýanyshty ekenin atap ótti.
Syrtqy ister mınıstri Iran Prezıdenti Hasan Rýhanıdiń sálemi men Naýryz merekesine baılanysty quttyqtaýyn jetkizdi. Sondaı-aq Hasan Rýhanıdiń Qazaqstan Prezıdenti Qasym-Jomart Toqaevty ózine yńǵaıly ýaqytta Iranǵa resmı saparmen kelýge shaqyrǵanyn naqtylady.
– Biz Sizdiń elińizben aradaǵy yntymaqtastyqtyń damýyna zor mán beremiz. Qazaqstan óńirdegi jaqyn kórshilerimizdiń ári dostas memleketterimizdiń biri, – dedi Mohammad Djavad Zarıf.
Kezdesý barysynda taraptar ekijaqty yntymaqtastyqty talqylap, óńirlik jáne jahandyq kún tártibindegi ózekti máseleler boıynsha pikir almasty.
