Elbasy • 07 Sáýir, 2021

Elbasy «Samuryq-Qazyna» ál-aýqat qorynyń tóraǵasyna birqatar tapsyrma berdi

45 ret kórsetildi

Qazaqstannyń Tuńǵysh Prezıdenti «Samuryq-Qazyna» ulttyq ál-aýqat qory» aksıonerlik qoǵamy basqarmasynyń tóraǵasy Almasadam Sátqalıevti qabyldady, dep habarlaıdy Egemen.kz Elbasynyń resmı saıtyna silteme jasap.

Kezdesýde Nursultan Nazarbaevqa ulttyq ál-aýqat qorynyń byltyrǵy jáne 2021 jyldyń birinshi toqsanyndaǵy jumys nátıjeleri, sondaı-aq «Samuryq-Qazyna» qoryn basqarý jónindegi keńestiń otyrystarynda berilgen tapsyrmalardyń oryndalý barysy týraly aqparat berildi.

– «Samuryq-Qazyna» qory 2020 jyldy tabysty aıaqtady. Byltyr Qor kompanııalarynda qyzmetkerlerdiń sany aıtarlyqtaı qysqartylǵan joq, úzdiksiz óndiristik prosess saqtaldy. 2020 jyldyń qorytyndysy boıynsha Qor aktıvteriniń quny 13,9 trıllıon teńgege jetti, – dedi Nursultan Nazarbaev.

A.Sátqalıev Elbasyna Qordy ınvestısııalyq holdıng retinde qaıta qurý sharalary jáne aldaǵy negizgi basymdyqtar týraly baıandady.

Qazaqstannyń Tuńǵysh Prezıdenti Qor elimizdiń ulttyq baılyǵy ekenine toqtalyp, onyń aktıvterin barsha halyqtyń ıgiligi úshin eseleý jumystaryn jalǵastyrý qajettigin atap ótti.

– Az ýaqyt ishinde Qor jumysyn jandandyryp, shuǵyl sharalar qabyldandy. Strategııalyq mańyzy bar salalar qalypty jumys istep tur. 2020 jyly Qor memlekettik bıýdjetke 870 mıllıard teńge aýdardy, – dedi Nursultan Nazarbaev.

Sondaı-aq Elbasy Qor kompanııalarynyń tıimdiligin odan ári arttyrý úshin naqty sharalar qabyldaýdyń mańyzdylyǵyn aıtty.

Kezdesý sońynda Ulttyq ál-aýqat qoryn basqarý jónindegi keńestiń Tóraǵasy Almasadam Sátqalıevke birqatar naqty tapsyrma berip, jemisti ári tabysty jumys isteýine tilektestigin bildirdi.

 

Sońǵy jańalyqtar

Eldanaǵa el rıza

Sport • Keshe

Jumekenniń «Balaýsasy»

Rýhanııat • Keshe

«Sálemetsiz be, Baqtııar!»

Rýhanııat • Keshe

Sortóbeniń baǵy eselenip keledi

Rýhanııat • Keshe

Aldaǵy apta kún jylynady

Aýa raıy • Keshe

Súıispenshilik sabaǵy

Aımaqtar • Keshe

Uqsas jańalyqtar