Medısına • 08 Sáýir, 2021

Sáýirde 2 mln azamat ekpemen qamtylmaq

12 ret kórsetildi

Qazaqstan koronavırýstyń taralýy boıynsha «qyzyl aımaqta» tur. Bul týraly Densaýlyq saqtaý mınıstri Alekseı Soı aıtty.

Sýretti túsirgen Erlan OMAR, «EQ»

«Koronavırýsqa shaldyǵý Shym­­kent, Almaty, Nur-Sultan qalalarynda, Aqtóbe men Alma­ty oblystarynda ósip jatyr. Naýqastanǵandardyń jalpy sanynyń 63 paıyzy Almaty, Nur-Sultan qalalarynyń, Almaty oblysynyń turǵyndary. Almaty qalasynda aqpanda táýligine 100 jaǵdaı tirkelse, sáýirde 600 jaǵdaıǵa deıin jetti. Nur-Sultan qalasynda aqpanda táýligine 100 jaǵdaı bolsa, sáýirde 500 jaǵdaıǵa deıin artyp otyr», dedi mınıstr.

Sonymen qatar ol Almaty oblysynda koronavırýs juqtyrý kórsetkishi aqpandaǵy 70 jaǵdaıdan sáýirde táýligine 270-ke jetkenin aıt­ty. «Epıdemıologııalyq jaǵ­daı matrısasyna sáıkes, Qazaq­stan Respýblıkasy bir apta boıy táýe­keli joǵary, ıaǵnı «qyzyl aımaqta» tur. Sonymen qatar táýekeli joǵary aımaqta elimizdiń 7 óńiri bar. Bul Almaty men Nur-Sultan qalalary, Batys Qazaq­stan, Atyraý, Aqtóbe, Aqmola, Qaraǵandy jáne Aqmola oblystary», dedi A.Soı.

Vedomstvo basshysy korona­vı­rýsqa qarsy vaksınanyń birinshi jáne ekinshi komponenti qansha adam­ǵa salynǵanyn da tilge tıek etti.

«Koronavırýs ınfeksııasyna qarsy vaksınalaý jalǵasyp jatyr. 1 sáýir­den bastap vaksınalaýǵa jata­tyn tulǵalar sanaty keńeı­tildi. Búginde vaksınanyń kompo­nentimen 217 070 azamat, al ekinshi kom­ponentimen 79 541 azamat egil­di. Myń turǵynǵa shaqqandaǵy kór­setkish 11,5 boldy. Onyń ishinde medısına qyzmetkerleriniń 40, pedagog­terdiń 17, kúshtik qury­lymdardyń 7,7 paıyzy, medı­sınalyq-áleýmettik mekemelerdegi qyzmetkerlerdiń 0,5 paıyzy ekpe aldy», dedi mınıstr.

Onyń sózinshe, ekpe alǵan adamdardyń 0,8 paıyzynda ýaqyt­sha dene qyzýynyń kóterilýi syndy belgiler baıqaldy. Sáýirde ek­pe alýǵa tıisti kontıngenttiń 24,4 paıyzyn nemese shamamen 2 mln azamatty ekpemen qamtý jos­parlanyp otyrǵanyn da jetkizdi.

«Qazaqstanda óndirýshilermen júrgizilgen kelissózderdi eskere otyryp, birinshi jartyjyldyqta 6 mln-nan astam vaksına dozasyn qabyldaý josparlanýda, bul tıisti kontıngenttiń 64%-yn qamtýǵa múmkindik beredi. Bul kólem KVI-ǵa qarsy vaksınalaýǵa jatatyn kontıngentti jáne óteýsiz negizde vaksı­nalaýǵa nıet bildirgen adam­dardyń qoljetimdiligin barynsha keńeı­týge múmkindik beredi», dep atap ótti mınıstr.

Uıymdastyrylǵan ujymdarda jáne adamdar kóp jınalatyn jerlerde vaksınalaý júrgizý úshin Almaty qalasynda jyljymaly egý pýnktteri iske qosylady. Epı­demııaǵa qarsy kúres pen iskerlik belsendilik arasyndaǵy teńgerimdi saqtaý maqsatynda elde sıfrlyq tehnologııalar belsendi engiziletin bolady. Sóıtip, vaksına alǵan tulǵalar týraly esepke alý jáne monıtorıng júrgizý úshin «Antıkovıdti pasport» ázir­lengen. Búgin Densaýlyq saqtaý mınıstrligi «elektrondyq úkimet» portalynda «vaksınalaýǵa jazylý» qyzmetin iske qosýdy josparlap otyr.

Ol úshin azamat «elektrondyq úkimet» portalyna avtorızasııa­lanýy jáne ótinim berýi qajet, onda tek tirkeý aımaǵy boıynsha medı­sınalyq uıymdy kórsetý qajet bolady, sodan keıin ótinim medı­sınalyq uıymǵa bólýge/qaraý­ǵa túsedi. Medısınalyq uıym vaksına júrgizý ýaqytyn kór­sete otyryp, ótinimderdi bóle­di. Taratylǵannan keıin azamat «elektrondyq úkimet» portalynda medısınalyq uıymǵa baratyn kúndi jáne ýaqytty kóredi, sondaı-aq qosymsha SMS habarlama alady.

Sonymen qatar mınıstr dárilik zat­tarmen jáne medısınalyq buıym­darmen qamtamasyz etý máse­lesine toqtaldy.

«Búginde elimiz dárilik zat­tar men medısınalyq buıym­dar­dyń qajetti kólemimen tolyq qamtamasyz etilgen. Aýrýha­na­lar­da KVI-dan emdeýge arnal­ǵan­ dárilerdiń aılyq qory, «SQ-Farmasııa» qoımalarynda jáne dárihanalarda – eki aılyq qory qalyptastyrylǵan. Barlyq óńirlerde 18 mlrd teńgege dári-dármekterdiń turaqtandyrý qorlary quryldy. Medısınalyq uıymdar jeke qorǵaný qural­darymen tolyq qamtamasyz etil­gen, óńir ákimdikteriniń 3 aılyq qory bar. Respýblıka boıynsha ke­shegi kúngi jaǵdaı boıynsha COVID-19 oń nátıjesimen 258 917 naýqas jáne KVI mınýspen 50 955 jaǵdaı tirkelgen. KVI+ bar 228 089 naýqas jáne KVI-men aýyratyn 49 290 naýqas saýyǵyp shyqty.

Aıta ketetin jaıt, respýb­lıka boıynsha KVI-men aýyratyn naý­qastarǵa medısınalyq kómek kórsetý úshin Respýblıkada 29 189 tósek-oryn qory bar 276 ın­fek­sııalyq stasıonar ju­myl­­dyryldy. Infeksııa­lyq stasıonarlardyń jumys­pen qam­tylýy – 36%-dy, reanıma­sııalyq stasıonarlardyń jumyspen qamtylýy – 23%-dy quraıdy. In­feksııalyq tósekterdiń eń kóp júktelýi Nur-Sultan qalasynda (71%), Batys Qazaqstan oblysynda (68%), Almaty oblysynda (57%), Almaty qalasynda (51%) baıqalady.

«Mınıstrlik tósek qorynyń jumyspen qamtylýyn óńirdiń árbir medısınalyq uıymynyń deńgeıine deıin monıtorıngteýdiń elektrondyq júıesin ázirledi, bul qosymsha stasıonarlardyń ýaqtyly áreket etýine jáne óris­teýine múmkindik beredi. О́ńirlerde ınfeksııalyq tósekterdi óristetý jospary bar, jumys istep turǵan ınfeksııalyq stasıonarlardyń júktemesi 70%-ǵa jetkende ın­feksııalyq tósekterdiń rezervi 51 myńnan 60 myńǵa deıin ulǵaı­tyldy, rezervtik obektiler tartylatyn bolady, bul rette josparly mamandandyrylǵan medısınalyq kómek kórsetý jalǵasady», dedi Densaýlyq saqtaý mınıstri.

 

Sońǵy jańalyqtar

Eldanaǵa el rıza

Sport • Keshe

Jumekenniń «Balaýsasy»

Rýhanııat • Keshe

«Sálemetsiz be, Baqtııar!»

Rýhanııat • Keshe

Sortóbeniń baǵy eselenip keledi

Rýhanııat • Keshe

Aldaǵy apta kún jylynady

Aýa raıy • Keshe

Súıispenshilik sabaǵy

Aımaqtar • Keshe

Uqsas jańalyqtar