Oblystyq kásipkerler palatasynyń dırektory Murat Ábenovtiń aıtýynsha, «Ashyq» jobasy óńirdegi fıtnes-klýb, spa-ortalyq, saýna, basseın, kınoteatr, qoǵamdyq tamaqtaný oryndary, kompıýter jáne boýlıng klýbtary sııaqty bıznes nysandarynyń karantın kezinde de erkin jumys isteı berýine múmkindik beredi.
– Shekteý talaptary kúsheıgen jaǵdaıda joǵaryda atalǵan bıznes nysandarynan basqa kásiporyndarda «Ashyq» mobıldi qosymshasyn paıdalanymǵa engizý arqyly óz jumysyn jalǵastyra alady. О́ıtkeni bul qosymsha bıznes nysandaryn óńirdegi jalpy epıdemııalyq jaǵdaıǵa táýeldilikten qutqarady. Mysaly, jaman aıtpaı jaqsy joq, eger oblys «qyzyl aımaqqa» enetin bolsa, atalǵan jobaǵa qatysqan kásiporyn «sary aımaqtyń» talaptary boıynsha jumys isteı alady. Al óńir «sary aımaqqa» engen jaǵdaıda, «jasyl aımaq» sharty boıynsha qyzmetin jalǵastyra beredi. Atalǵan joba aımaqta erikti túrde iske asyrylady, biz bıznesti de, azamattardy da jobaǵa qatys dep májbúrlemeımiz, – dedi M.Ábenov.
Nur-Sultan, Almaty, Qaraǵandy sııaqty iri qalalar úsh aıdan beri «Ashyq» jobasy boıynsha qanatqaqty rejimde jumys istep jatyr. Palata ókilderiniń aıtýynsha, osy ýaqyt aralyǵynda jobanyń birtalaı tehnıkalyq kemshilikteri anyqtalyp, kópshilik mobıldi qosymshany ońaı qoldana alatyndaı etip jetildirilgen.
Qosymshany paıdalaný óte ońaı. Ony qoldanýshy telefonyna júktep alyp, óziniń jeke sáıkestendirý nómirin engizýi qajet. Odan keıin kásiporynǵa nemese bıznes nysany ornalasqan ǵımaratqa kirerde nemese odan shyǵarda esik aldyna ilingen QR-kodty skanerleý kerek. Mobıldi qosymsha azamattardyń jeke basy týraly málimetteriniń qoldy bolýyna múmkindik bermeıdi. Tek kópshilik oryndarǵa barǵanda qaýipti vırýs juqtyryp alýdan saqtaıdy. Oblystyq kásipkerler palatasynyń basshysy qosymshanyń qalaı jumys isteıtinine deıin túsindirip berdi.
– Mobıldi qosymsha arqyly kópshilik orynǵa kelgen azamattyń Densaýlyq saqtaý mınıstrliginiń jalpy bazasynda tirkeýli turǵan mártebesi anyqtalady. Iаǵnı mobıldi qosymsha álgi adam dál osy turǵanda vırýs tasymaldaýshy ma, joq pa degen saýaldyń aq-qarasyn aıyryp beredi. Qosymsha kórsetetin mártebe túrleri tórt tústi. Máselen, jasyl tús kópshilik orynǵa kelýshiniń Sovid-19 PTR testinen ótkenin jáne test qorytyndysy teris nátıje kórsetkeninen habardar etedi. Iаǵnı bul adamǵa esik ashyq. Kók tús kelýshiniń PTR testen ótpegenin, biraq aınalasyna eshbir qaýip tóndirmeıtinin bildiredi. Sary tús azamattyń buǵan deıin naýqaspen baılanysta bolǵanyn kórsetedi. Al qosymsha qyzyl tústi kórsetse, bul ǵımaratqa kireıin dep turǵan adam vırýs tasymaldaýshy degendi bildiredi. Iаǵnı bul jaǵdaıda bıznes nysandary buǵan deıin qabyldanǵan betperde taǵý, termometrııadan ótý, ǵımarattyń ishin jeldetip turý degen sııaqty sanıtarlyq sharalardyń ústine taǵy da qosymsha ári senimdi qaýipsizdik baqylaýmen qamtamasyz etiledi. Osylaısha, kópshilik oryndarda vırýs juqtyrý táýekelin aıtarlyqtaý azaıtýǵa jol ashatyn joba bıznes pen qarapaıym turǵyndar úshin aldaǵy ýaqytta bolýy yqtımal karantındik shekteýlerdi ońtaılandyrýǵa múmkindik beredi, – dedi M.Ábenov.
«Ashyq» jobasyna bıznes nysandary ózderi aınalysatyn saladaǵy erekshelikterge baılanysty bıznes qaýymdastyqtary men sanıtarlyq dárigerlerdiń maquldaýy arqyly qatysatyn bolady.
Qostanaı oblysy
