Qoǵam • 09 Sáýir, 2021

Pavlodar ákiminiń orynbasaryna sógis jarııalandy

52 ret kórsetildi

Úsh memlekettik qyzmetker Pavlodardaǵy kóshelerdiń ataýyn ózgertý týraly qoǵamdyq tyńdaýlar bolaty jóninde qate siltemeler jarııalaǵany úshin jazalandy, dep habarlaıdy Egemen.kz pavon.kz saıtyna silteme jasap.

Jańa kóshe ataýlaryn Pavlodar, Ekibastuz jáne Aqsý turǵyndarymen talqylaý josparlanǵan. Beınekonferensııalar 29 naýryzda ótýi kerek edi.

Qyzmetkerler Pavlodar qalasynyń ákimdigi men Ekibastuz qalasy máslıhatynyń saıttarynan habarlamalaryn qaıta óńdeı salǵan. Buǵan ataýyn ózgertkisi keletin kósheler tizimin qaıta qaraý sebep boldy. 

Oblys ortalyǵynyń ákimdigi talqylaý 3 sáýirge aýystyrylǵanyn habarlady. Zoom siltemeleri bar habarlandyrýlar ákimdiktiń saıtynda taǵy da paıda boldy. Biraq keıinirek belgili bolǵandaı, siltemeler 29 naýryzda ótken konferensııaǵa alyp keldi.

Qala ákimshiligi qate aqparat jarııalaǵany úshin jaýapty qyzmetkerdi jazalaıtyndyqtaryn aıtty. Pavlodar ákimshiligi úsh memlekettik qyzmetker tártiptik jaýapkershilikke tartyldy dep habarlady. Qoǵamdyq tyńdaýlardy uıymdastyrýda qate jibergeni úshin jáne tıisti baqylaý júrgizbegendikten mádenıet jáne tilderdi damytý bóliminiń qyzmetkeri, qala ákimi apparatynyń baspasóz qyzmeti jáne Pavlodar qalasy ákiminiń orynbasary sógis túrinde tártiptik jazalar aldy.

– Pavlodar qalasy kósheleriniń ataýyn ózgertý boıynsha qoǵamdyq tyńdaýlar ótkizý týraly habarlamany mádenıet jáne tilderdi damytý bóliminiń mamandary daıyndady. Sodan keıin ol jergilikti gazetter men ákimdiktiń baspasóz qyzmetine jergilikti resmı saıtynda jarııalaý úshin jiberildi, – dep habarlady ákimdik.

3 sáýirde 30 kósheniń ataýyn ózgertý týraly tyńdaýlar ótti. Sońǵy tizimde 23 kóshe qaldy. Qalalyq máslıhat depýtattary biraýyzdan ataýlardy ózgertýge daýys berdi. Halyq qalaýlylary qala turǵyndarynan kóshe mańdaıshalaryn aýystyrýǵa bıýdjet aqshasy jumsalatyndyǵyna alańdamaýdy suraıdy: ol burynǵydaı demeýshilik qarajatpen jasalady.

10 sáýirde Zoom-da Pavlodar qalasynyń qala mańyndaǵy eldi mekenderindegi kóshelerdiń ataýyn ózgertý týraly tyńdaýlar ótedi.

Sońǵy jańalyqtar

Kaspıı teńizine úsh adam batyp ketken

Aımaqtar • Búgin, 21:18

Tekeli laı kóshkininen tazartylyp jatyr

Aımaqtar • Búgin, 19:53

Bıyl Almatyda myń jas baspanaly bolady

Aımaqtar • Búgin, 17:44

AQSh-ta shirkeýge shabýyl jasaldy

Oqıǵa • Búgin, 17:15

Batys Qazaqstanda jastar shtaby quryldy

Aımaqtar • Búgin, 16:23

Dollar qymbattady

Qarjy • Búgin, 15:55

Uqsas jańalyqtar