ShQO Tótenshe jaǵdaılar departamenti baspasóz qyzmetiniń málimetine súıensek, Altaı aýdany Qarakól aýylynan Jańa Buqtyrma kentine bet alǵan 1988 jylǵy áıel men 1986 jylǵy er adam joǵalyp ketken.
«Habar túsken soń qutqarýshylar qarda júretin arnaıy tehnıkamen shuǵyl izdeýge shyqty. Joǵalǵandar Buqtyrma sý qoımasynyń jaǵasynan tabylǵan. Olardyń ómirine eshqandaı qaýip tónip turǵan joq. Qutqarýshylar ekeýin jaqyn mańdaǵy eldi mekenge jetkizdi», dep habarlady vedomstvo ókilderi.
TJD mamandary óńir jurtshylyǵyna jolǵa shyqqan kezde jaqyndaryńyzǵa óz baǵytyńyz týraly aıtý qajettigin eskertedi. Sondaı-aq ózińizben jyly kıim, qýattalǵan uıaly telefon bolýy tıis. Qandaı da bir qıyndyqqa tap bolǵan jaǵdaıda dereý «112» nómirine habarlasý qajet.
