Sol kúni Jaqsy APB kezekshi bólimine Perekatnoe aýylynyń 28 jastaǵy turǵynynan telefon habarlamasy kelip túsken. Áıel onyń 32 jastaǵy ápkesi kámeletke tolmaǵan qyzyn uryp jatqanyn aıtqan. Keıin kýágerlerdiń aıtýynsha, úıde janjal shyǵarǵan áıel qyzyn moınynan ustap, ony tunshyqtyra bastaıdy, sonymen birge ony jáne inisin balalar úıine beretinin aıtyp qorqytqan.
Jedel-tergeý tobyn kútpeı, ýchaskelik ınspektor dereý oqıǵa ornyna attanady. О́tinish berýshi kórsetken mekenjaıǵa kelgen ýchaskelik ınspektor mas kúıinde úıdiń ıesin - sozylmaly maskúnem retinde esepte turǵan úsh balanyń anasyn tapqan.
Sol kezde áıeldiń 11 jasar qyzy úıge qaraı júgirip, ýchaskelik polısııa ınspektorǵa úlken ápkesi qorada asylyp qalǵanyn habarlaıdy.
Ile qoraǵa júgirip kelgen polıseı úı ıesiniń 14 jastaǵy qyzy shatyrdyń arqalyǵyna asylyp turǵanyn kóredi jáne esh oılanbastan qyzdy kóterip ilmekten sheship alady. Qýanyshqa oraı, jasóspirim esin joǵaltsa da, aman qalǵan. Bul rette 11 jasar sińilisiniń der kezinde eskertip úlgergenin aıta ketý kerek.
Keıin ýchaskelik polısııa qyzmetkeri jedel járdem brıgadasyn shaqyryp, bolǵan oqıǵa týraly kezekshi bólimge habarlady.
Qazirgi ýaqytta kámeletke tolmaǵan bala aýrýhana ızolıatorynda jáne ózin jaqsy sezinedi. Profılaktıkalyq esepte turǵan otbasynyń 14 jastaǵy qyzmen birge psıhologtar jumys júrgizýde.
