Ekonomıka • 09 Sáýir, 2021

Áıelder ıpotekasy qashan iske qosylatyny belgili boldy

132 ret kórsetildi

«Otbasy bank» turǵyn úı qurylys jınaq banki turǵyn úı salasynda genderlik teńdikti jetildirýge negizdelgen áıelderge arnalǵan ıpoteka jobasyn iske asyrýǵa kiristi, dep habarlaıdy Egemen.kz Banktiń baspasóz qyzmetine silteme jasap. 

Jańa baǵdarlama Azııa Damý Bankinen alynǵan 38 mıllıard teńge qaryz qarajaty esebinen júzege asyrylady jáne áıelderdiń turǵyn úı jaǵdaıyn jaqsartýǵa baǵyttalady.

Ipoteka sharttary boıynsha qaryz alýshy kámelettik jasqa tolǵan, Qazaqstan azamatshasy bolýy kerek. Onyń otbasylyq aılyq tabysy 320 000 teńgeden kem bolmaýy tıis. Turǵyn úı tańdaýda shekteý qoıylmaıdy, ıpotekany jańa páterlerge de, ekinshi naryqtaǵy páterlerge de, onyń ishinde úlestik kelisim boıynsha da, jóndeý maqsatynda da rásimdeýge bolady.

Aı saıynǵy kirisi 200 000 teńgege deıingi qyz-kelinshekter úshin beriletin nesıeniń eń joǵary somasy – satyp alynatyn turǵyn úı qunynyń 85% (baǵalaý quny Banktiń kepildik táýekelderi bólimimen rastalýy kerek), TQJ qospaǵanda, kirisi 200 001-den 320 000 teńgege deıingi qyz-kelinshekter úshin TQJ esebinsiz, satyp alynatyn turǵyn úı qunynyń 80%.

Satyp alynatyn turǵyn úıdiń eń joǵary quny - 30 mıllıon teńge (qosa alǵanda); turǵyn úıge jóndeý jumystaryn júrgizý úshin alynatyn qaryzdyń eń joǵary kólemi – 3 700 000 teńgege deıin (qosa alǵanda).

Nesıeniń negizgi sharttary:

  • Nesıe boıynsha syıaqy mólsherlemesi - 12% (JTSM - 12,2%-dan), keıinnen 5%-ǵa deıin tómendeýimen (JTSM 5,2%-dan)

  • Bastapqy jarna - 15-den 50%-ǵa deıin

  • Aldyn ala nesıe berý merzimi - 6 aıdan 10 jylǵa deıin 

Joba aıasynda shamamen 4000-ǵa jýyq qyz-kelinshek turmystyq jaǵdaıyn jaqsartady dep kútilýde.

«Otbasy Bank» úshin otbasy qundylyqtary óte úlken mańyzǵa ıe, onyń ishinde áıelderdiń ekonomıkalyq belsendiliginiń artyp, baspanaly áıelder qatarynyń kóbeıýi. Máselen, 2019 jyly Elbasynyń tapsyrmasy boıynsha ashylǵan «Baqytty otbasy» baǵdarlamasy boıynsha 2-10-20 formýlasymen 10 000-ǵa jýyq nesıe berildi. Bul baǵdarlamamen zaım rásimdegenderdiń 92% – áıelder.

ADB baǵdarlamasy – birinshi turǵyn úı satyp alýǵa múmkindik beretin memlekettik baǵdarlama emes. Ol turǵyn úı jaǵdaıyn jaqsartý nemese balalaryna jyljymaıtyn múlik satyp alý maqsatymen, ekinshi nemese úshinshi turǵyn úı satyp alýdy kózdep otyrǵan, kirisi joǵary áıelderge arnalǵan.

«Kóptegen áıelder bizge alǵashqy jarnasy tómen, 20% shamasynda bolatyn baǵdarlama jasaý týraly ótinishterin joldady, Banktiń áıelder ıpotekasyna aýǵan qyzyǵýshylyǵy osymen baılanysty. Qyz-kelinshekterdi ásirese úıdi ekinshi naryqtan satyp alý máselesi alańdatty. Sebebi ekinshi naryqtaǵy turǵyn úıdi mektep, balabaqsha nemese jumysynyń jaqyndyǵyna baılanysty tańdaýǵa bolady, bul jalpy otbasy úshin de qolaıly. Osy faktorlarǵa súıene otyryp, resýrstardyń joǵary qunyna qaramastan, baǵdarlamaǵa degen suranys aıtarlyqtaı joǵary bolady dep boljap otyrmyz», - dedi banktiń basqarma tóraıymy, Lázzat Ibragımova.

Jalpy elimizde ıpotekalyq nesıe rásimdegen áıelderdiń úlesi, sońǵy málimetter boıynsha 48%. Sonymen qatar, búgingi kúni «Otbasy bankiniń» nesıelik qorjynyndaǵy áıelderdiń úlesi erlerge qaraǵanda joǵary. Nesıeler sany boıynsha áıelderdiń úlesi 57%, nesıe somasy men qaryzdyń qaldyǵy boıynsha 53% teń. Sońǵy 5 jylda áıelder bizdiń bankten nesıe alýda erlerge qaraǵanda belsendirek, olardyń banktiń nesıelik qorjynyndaǵy úlesi aıtarlyqtaı ózgermeıdi, 55-57% teń.

Sońǵy jańalyqtar

Shýchede jańa sport kesheni salynady

Aımaqtar • Búgin, 18:59

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar