Aımaqtar • 09 Sáýir, 2021

M.Áıtenov: Halyqqa vaksına egýdiń mańyzdylyǵyn qarqyndy nasıhattaý kerek

811 ret kórsetildi

Shymkent qalasynda pandemııaǵa baılanysty qurylǵan jedel shtabtyń kezekti otyrysynda COVID-19-ǵa qarsy is-qımyldyń nátıjeleri, vaksınalaý, taǵy basqa máseleler talqyǵa tústi, dep habarlaıdy Egemen.kz

Qazirgi tańda álemde epıdemııalyq ahýal kúrdeli. Elimizde de «qyzyl aımaqqa» kirgen óńirlerdiń qatary artýda. Shymkent qalasy Pavlodar, Qyzylorda, SQO jáne Mańǵystaý oblystarymen birge «sary aımaqta» tur.

Qala ákimi Murat Áıtenov shaharda epıdemıologııalyq jaǵdaıdyń kúrdelene túskenin aıtyp, turǵyndar arasynda betperde rejımin saqtaý, koronavırýspen kúreste vaksınalaýdyń mańyzdy ekenin aıtty.

– Indetti jeńýdiń joly – vaksınalaý. Sanıtarlyq talaptardy saqtaı otyryp, ekpe egý jumystaryn qarqyndy jalǵastyrý qajet. Vaksınalaýdyń mańyzdylyǵy boıynsha nasıhat jumystaryn kúsheıtý kerek. Ekpe egilgen azamattardyń jaǵdaıyn bilip, solardyń pikirin berip otyraıyq. Sonymen qatar, vaksınalaý is-sharalaryn nasıhattaýǵa bas dárigerlerdiń de qatysýyn qolǵa alyńyzdar. Qalada indet juqtyrǵandar sany kún saıyn artyp otyr. Bul qaýipti indetten qorǵanýdyń birden-bir joly koronavırýsqa qarsy vaksınasııany qabyldaý, – dedi qala ákimi.

Qalalyq densaýlyq saqtaý basqarmasynyń basshysy B. Pozılovtyń aıtýynsha, búginde Shymkent qalasynda jalpy koronavırýsqa qarsy ekpeniń 1-shi komponenti 13 087 adamǵa adamǵa, ekinshi komponenti 5307 adamǵa egilgen. Bıyl jyl basynan beri 1872 adam kovıd ınfeksııasyn juqtyrǵan. 21 adam qaıtys boldy.

– Shymkentte 7 sáýirden bastap barlyq sanattaǵy adamdarǵa ekpe salynyp jatyr. Qalaǵa 30 myń doza vaksına keldi. Ekpe egý senbi, jeksenbi kúnderi de, tańǵy saǵat segizden keshki segizge deıin júrgiziledi. Ázirge 37 beket jetkilikti. Bekettiń ishinen taǵy qosymsha bólimder ashyp jatyrmyz, – dedi basqarma basshysy.

Aıta keteıik, ótken táýlikte KVI-diń 72 jaǵdaıy tirkeldi: belgileri bar - 50, belgileri joq - 22. 18 adam ınfeksııalyq stasıonarǵa jatqyzylyp, 54 adam úı baqylaýyna alynǵan. Qazirgi tańda mamandandyrylǵan ınfeksııalyq stasıonarlarda barlyǵy 1010 oryn bar (qalalyq ınfeksııalyq ortalyq – 490, «Atameken» klınıkasy – 450, Orynbaı GBOO - 70 oryn).
Infeksııalyq stasıonarda 260 naýqas emdelýde (KVI-153, pnevmonııa- 99, JRVI- 8), jan saqtaý bóliminde - 10 (5 IVL, 5 NIVL).

Sońǵy jańalyqtar

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

14 mamyrǵa arnalǵan aýa raıy boljamy

Aýa raıy • Búgin, 09:13

Uqsas jańalyqtar