Aımaqtar • 09 Sáýir, 2021

Tasqyn qaýpi áýeden zertteldi

27 ret kórsetildi

Batys Qazaqstan oblystyq Tótenshe jaǵdaılar departamentiniń mamandary óńirdegi tasqyn qaýpi bar aımaqtardy, sý qoımalaryndaǵy ahýaldy áýeden zerttedi, dep habarlaıdy Egemen.kz.

О́ńirde kún jylynyp, kóktem kúshine tolyq endi. Qazir oblystyq tótenshe jaǵdaılar departamenti kún saıyn oblystaǵy sý tasqyny jaǵdaıyna monıtorıng júrgizip otyr. Sonyń ishinde sý tasqyny qaýpi bar ýchaskelerge turaqty baqylaý ornatylǵan. Mamandar kóp jylǵy tájirıbege súıenip jáne bıylǵy jaǵdaıdy saralap, sý tasqyny qaýpi bar ýchaskeler tizbesin jasaǵan. Osy tizim negizinde yqtımal sý tasqyny núktelerin kartada belgileı otyryp, aerovızýaldy tekserý marshrýty jasalǵan bolatyn. Jaqynda departament basshylyǵy tıisti mamandarmen birge Terekti, Bórli jáne Shyńǵyrlaý aýdandary aýmaǵyn áýeden baqylap qaıtty.

Ushý barysynda atalǵan aýdandar aýmaǵyndaǵy qar jamylǵysy, Jaıyq, Shyńǵyrlaý, Qaıyńdy, Elek, Ashy ózenderiniń basseınderindegi yqtımal tasqyn sý mólsheri, gıdrotehnıkalyq qurylystardyń jaı-kúıi zerttelip, monıtorıng júrgizildi. Qardyń eń kóp jeri – Shyńǵyrlaý aýdany eken.

- Sapar barysynda aýdandyq mańyzy bar joldar, olardyń qaýipti bólikteri, kóktemgi sýdyń kóp mólsheri jınalǵan jerler anyqtaldy. Halyqtyń turǵyn jaılary men kólik qatynasynyń qaýipsizdigi basty nazarda bolady, - dedi departamenttiń baspasóz hatshysy Bákızat Maǵzenova.

Osy zertteýdiń nátıjesinde departament basshylyǵy Qaztalov aýdanyna qarasty Qaıyńdy aýyly mańyndaǵy Qaıyńdy ózeninde qalyptasqan yqtımal qaýipti baıqap, jergilikti ákimdikke eskertti. Sóıtip, ákimdik qyzmetkerlerimen birge ózenge jerden zertteý júrgizdi. Baqylaý barysynda eldimekendi sý basýyna jol bermeý jáne Qaıyńdy ózeniniń sý túbin tereńdetý jumystaryn júrgizý týraly kelisilgen sheshim qabyldandy.

«О́ńirdegi sý tasqyny jaǵdaıy turaqty jáne oblystyq sý tasqynyna qarsy shtabtyń turaqty baqylaýynda» deıdi tótenshelikter.

Sońǵy jańalyqtar

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar