BAQ ókilderine arnalǵan semınarynyń plenarlyq otyrysyna Aqparat jáne qoǵamdyq damý mınıstri A.Balaeva qatysty.
Mınıstr qatysýshylarǵa arnalǵan alǵashqy sózinde memlekettiń salıqaly saıasattyń arqasynda álemde Qazaqstandy beıbitshiligi men kelisimi bar el retinde tanıtyndyǵyn atap ótti.
«Qazaqstan halqynyń birligin, eldegi beıbitshilik pen qoǵamdyq kelisimdi qamtamasyz etý bıliktiń barlyq deńgeılerindegi memlekettik saıasattyń basymdyǵy bolyp qala beredi», dep atap ótti A.Balaeva.
Sonymen qatar ol etnosaralyq sala problemalaryn saıasılandyrý áreketteri baıqalyp otyrǵanyn atap ótti.
Mınıstr semınar qatysýshylarynyń nazaryn Qazaqstandaǵy etnosaralyq qatynastardyń úılesimdi damýyna BAQ-ta etnosaralyq salaǵa baılanysty oqıǵalardy jóndi jarııalaý úlken yqpal etetinine aýdardy.
BAQ ókilderimen ashyq pikir almasý barysynda mınıstr QR AQDM etnosaralyq qatynastardy damytý salasynda júrgizilip jatqan jumystar boıynsha birqatar suraqtarǵa jaýap berdi.
Mınıstr etnosaralyq qatynastardy damytý salasynda jýrnalısterdiń arnaıy pýlyn qurýdy usyndy. «Árbir BAQ-ta etnosaralyq salany baıandaıtyn jýrnalıstti anyqtaý qajet». Ol Mınıstrliktiń aqparat berýde olarmen turaqty ózara is-qımyl jasaýǵa, oqytý júrgizýge daıyndyǵyn bildirdi.
