Prezıdent • 10 Sáýir, 2021

Prezıdent Hanzada Fılıpptiń qaıtys bolýyna baılanysty kóńil aıtty

40 ret kórsetildi

Qazaqstan Prezıdenti Ulybrıtanııa jáne Soltústik Irlandııa Qurama Koroldiginiń Patshaıymy II Elızavetaǵa jubaıy Hanzada Fılıpptiń qaıtys bolýyna baılanysty kóńil aıtý jedelhatyn joldady, dep habarlaıdy Egemen.kz Aqordanyń baspasóz qyzmetine silteme jasap.

Memleket basshysy Qasym-Jomart Toqaev Edınbýrg gersogi, Hanzada Fılıpptiń qaıtys bolǵany týraly qaıǵyly habardy tereń kúızelispen qabyldady.

– Qazaqstan halqynyń jáne jeke ózimniń atymnan Uly Mártebeli Patshaıym Sizdiń jáne barsha brıtandyqtardyń qaıǵysyna ortaqtasa otyryp, kóńil aıtamyn. 70 jyldan astam ýaqyt boıy, ásirese, Uly Mártebeli Patshaıym Siz taqqa otyrǵan sátten bastap, Edınbýrg gersogi turaqty tiregińiz jáne kúsh-jigerińizdiń sarqylmas kózi boldy. Ol Ekinshi dúnıejúzilik soǵystyń qurmetti batyry, búkil ómirin Birikken Koroldik pen onyń Tájine qyzmet etýge arnaǵan, muqtaj jandarǵa kómektesip, Brıtanııa ultynyń, Dostastyq pen odan tys jerlerdegi halyqtyń ál-aýqatyn arttyrýǵa úles qosqan asa kórnekti, Uly Mártebeli bıik tulǵa boldy. Osyndaı qıyn sátte bizdiń duǵamyz Sizdiń Uly Mártebeńizge, Koroldik otbasyńyzǵa, sondaı-aq, Hanzada Fılıppti biletin jáne qyzmettes bolǵan adamdarǵa arnaldy. Ol bizdiń jadymyzda parasattylyq pen ádildiktiń, batyldyq pen óz halqyna adaldyqtyń sımvoly retinde máńgi saqtalady, delingen jedelhatta.

Sońǵy jańalyqtar

Elbasy jáne Qazaqstan armııasy

Elbasy • Búgin, 07:36

«Tumardyń» jeńimpazdary anyqtaldy

Oqıǵa • Búgin, 07:33

Toǵanas batyr týraly tolǵanys

Tarıh • Búgin, 07:21

Almaty qalasynda jer silkindi

Aımaqtar • Keshe

Uqsas jańalyqtar