Úkimet • 10 Sáýir, 2021

«Ortalyq Azııa» halyqaralyq saýda ortalyǵy qurylatyn boldy

33 ret kórsetildi

Búgin Qazaqstan-О́zbekstan shekarasyndaǵy «Jibek Joly» ótkizý pýnkti mańynda Qazaqstan Premer-Mınıstri Asqar Mamın men О́zbekstan Premer-Mınıstri Abdýlla Arıpov kelissóz júrgizip, «Ortalyq Azııa» Halyqaralyq saýda-ekonomıkalyq yntymaqtastyq ortalyǵynyń (HSEYO) qurylysy júrgiziletin jerge kapsýla salý rásimine qatysty, dep habarlaıdy Egemen.kz Premer-Mınıstrdiń baspasóz qyzmetine silteme jasap.

Taraptar Qazaqstannyń О́zbekstanmen saýda-ekonomıkalyq, ınvestısııalyq, aýyl sharýashylyǵy, tranzıttik-kólik, týrıstik, ǵarysh salalaryndaǵy, ónerkásiptik kooperasııadaǵy, transshekaralyq sý resýrstaryn utymdy paıdalaný men qorǵaýdaǵy, sondaı-aq aımaqaralyq jáne shekara mańy yntymaqtastyǵyndaǵy ózekti máselelerdi talqylady.

Avtomobıl jasaýda AО́K ónimderin qaıta óńdeýde, sondaı-aq joǵary jyldamdyqty «Túrkistan-Shymkent-Tashkent» temirjol magıstralyn salýda birlesken jobalardy iske asyrý máselelerine erekshe nazar aýdaryldy. Kelissóz qorytyndysy boıynsha A.Mamın men A.Arıpov «Ortalyq Azııa» HSEYO qyzmetin uıymdastyrý jónindegi is-sharalar josparyna, sondaı-aq temirjol kóligin damytý jónindegi birlesken is-qımyl týraly hattamaǵa qol qoıdy.

«Ortalyq Azııa» HSEYO «Jibek Joly» (QR) jáne «Gısht Kýprık» (О́R) ótkizý pýnkti aýdanynda ornalasatyn bolady. Ortalyqtyń jalpy aýmaǵy – 400 ga, ótkizý múmkindigi 35 myń adamdy jáne eki baǵytta táýligine 5 myń júk kóligin quraıdy.

Ortalyq Qazaqstan men О́zbekstannyń birlesken ınvestısııalyq jobalaryn iske asyrý úshin iri ónerkásiptik jáne saýda-logıstıkalyq alańǵa aınalýǵa arnalǵan. О́nerkásiptik kooperasııanyń neǵurlym perspektıvaly baǵyttary óńdeý sektory, AО́K jáne jeńil ónerkásip bolyp otyr.

«Qazaqstan men О́zbekstan úkimetteri ózara saýda-sattyq deńgeıin 10 mlrd dollarǵa deıin jetkizý mindeti boıynsha jumys isteýde. Búgin iske qosylatyn joba osy maqsatqa qol jetkizýge qyzmet etedi jáne eki memlekettiń jan-jaqty strategııalyq yntymaqtastyǵyn odan ári nyǵaıtýǵa yqpal etetin bolady», dedi A.Mamın.

Qazaqstan tarapy О́zbekstannyń Sýhandarııa jáne Ferǵana oblystarynda úsh kóterme-taratý ortalyǵyn ashý arqyly QR men О́R arasynda biryńǵaı taýar ótkizý júıesin qurýǵa qyzyǵýshylyq bildirdi, onyń jalpy ınvestısııa kólemi 22,5 mln dollar jáne aýystyryp tıeý qýaty jylyna 67 myń tonnany quraıtyn bolady.

Jumys sapary aıasynda Premer-Mınıstr Qazaqstan-О́zbekstan shekarasyndaǵy jańǵyrtylǵan «B. Qonysbaev» ótkizý pýnktine bardy. 2019 jylǵy shildeden 2020 jylǵy jeltoqsan aralyǵynda júrgizilgen rekonstrýksııadan keıin onyń qurylys alańy 2 ese 6 ga deıin, qozǵalys jolaqtarynyń sany 2-den 6-ǵa deıin, pasporttyq baqylaý kabınalarynyń sany 6-dan 16-ǵa deıin ulǵaıdy, zamanaýı ınspeksııalyq-tekserip qaraý keshenderi ornatyldy.

Qabyldanǵan sharalardyń nátıjesinde pýnkttiń ótkizý múmkindigi eki baǵytta táýligine 150-den 1 myń avtomobılge deıin, 6 eseden astamǵa ósti, ótý ýaqyty 60 mınýttan 25 mınýtqa deıin 2 esege qysqardy.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar