Aımaqtar • 10 Sáýir, 2021

IIM Rıdderdegi bala ólimine baılanysty úndeý jasady

15 ret kórsetildi

IIM Rıdderdegi 2 jasar balanyń ólimine baılanysty halyqqa úndeý jasady, dep habarlaıdy Egemen.kz Polisia.kz-ke silteme jasap.

9 sáýir kúni keshke Shyǵys Qazaqstan oblysy Rıdder qalasynyń polısııasyna kóp balaly ana júginip, aǵalarymen birge úıdiń syrtyna oınaýǵa shyǵyp ketken 3 jasqa da tolmaǵan ulyn eki saǵattan beri kórshilerimen birge izdep, taba almaı jatqandyǵyn jetkizgen.

Anyqtalǵandaı, balalar anasymen birge kóshege shyqqan. Anasy kórshi úıde qonaqta bolyp, balalaryn terezeden baqylap otyrǵan. Biraz ýaqyttan keıin dalaǵa shyqqan kezde, balasyn taba almaı qalǵan. Basqa balalar da onyń qashan jáne qaıda ketkenin baıqamaǵan. Ishki ister organdary birden balalar oınap júrgen turǵyn úı mańyn, kósheler men úılerdi tekserdi.

Mańaıdaǵy on kóshede 50-den astam úı qaraldy. 3-shi kósheden keıingi dúkenderde ornalasqan kameralar tekserildi, alaıda jazbalardan eshteńe tabylǵan joq. Izdestirý túni boıy jalǵasty, oǵan 80-nen astam polısııa qyzmetkeri jáne Ulttyq ulannyń 50 áskerı qyzmetshisi, qutqarýshylar, TJD 3 kınologııalyq qyzmeti jáne 135 erikti qatysty.

О́kinishke qaraı, jańbyr jaýyp turǵandyqtan qyzmettik ıtter izderdi taba almady. Tańerteńgi toǵyz jarymda ǵana oblystyń krımınaldyq polısııa qyzmetkerleri Bystrýha ózeniniń boıyn tekserý kezinde, bala joǵalyp ketken úıden shamamen 800 metr qashyqtyqta, ózenniń boıynda jatqan aǵashtyń janynan balanyń máıitin tapty. Ishki ister mınıstrligi marqumnyń otbasyna qaıǵyryp kóńil aıtady, sondaı-aq, balany izdeýge qatysqan eriktiler men qoldaýshylarǵa alǵys bildiredi.

– Eldegi sý tasqyny jaǵdaıyn eskere otyryp, kóshelerde júrgen balalarǵa abaı bolýdy, kishkentaı balalar men kámeletke tolmaǵan balalardy sý qoımalarynyń janynda jalǵyz qaldyrmaýdy suraımyz, – dedi vedomstvo qyzmetkerleri.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar