«Qalany aralaý men jumys baby boıynsha ótetin jınalystardan bos ýaqytta áleýmettik jelilerdegi akkaýnttarymdy kúndelikti tekserýge tyrysamyn. Sizderdiń pikirlerińizdi, ótinishterińizdi oqımyn, qandaı suraqtar men máseleler kóterilip jatqandyǵyn kóremin. Olar boıynsha birqatar tapsyrmalar beremin: tikeleı sol jerge barý, turǵyndarmen sóılesý, túsindirý jáne t.b.
Mysaly, ótinishterdiń bir bóligi úleskerlerden kelip túsedi. Uzaq jyldar boıy zańdy páterleriniń kiltterin kútý ońaı emes ekenin túsinemiz. Birqatar qurylys jumystary aıaqtalyp, úleskerler páterlerine kóshti. Árbir qurylysy uzaqqa sozylǵan nysan boıynsha jumys júrgizilip jatyr. Turǵyn úı kesheniniń bir bóliginde eshqandaı qujattama bolǵan joq. Al qujattarsyz, úıdiń qaýipsizdigin tekserýsiz qurylys jumystaryna kirisýge bolmaıdy.
Maǵan jańadan salynyp jatqan shaǵyn aýdanda turatyn qala turǵyndary júgindi. Turǵyndarǵa yńǵaıly jol salynbaǵan: batpaq (Tóle bı kóshesi). Adamdar túgili, mashınalarǵa ótý qıyn. Aýdanda 6 kóppáterli turǵyn úı kesheni ornalasqan («Smart sıtı», «Teatralnyı», «Baspana», «7 palat», «Zam zam», «Altyn shar 2» TK).
Atalǵan joldyń qurylysyn osy jylǵa arnalǵan kestege engizýdi tapsyrdym. Jol qurylysynyń aıaqtalý merzimi bıylǵy jyldyń kúzi ekenin eskere otyryp, turǵyn úı keshenine ýaqytsha ótpe jol tóseledi. Qurylys uıymdaryna ýaqytsha jolǵa ótý joldaryn qamtamasyz etý tapsyryldy.
Ýaqytsha ótpe jol salý jumystary aıaqtalǵanǵa deıin «Nova sıtı Turan» TK, «Grand Turan Komfort» TK, «Grand Turan» TK qurylys jumystary toqtatylady, nysandarǵa kiretin toptar jabylady», dep jazdy elorda ákimi.
