Nura-Sarysý oblysaralyq basseındik balyq sharýashylyǵy ınspeksııasynyń málimetinshe, kanaldyń barlyq sý toraptarynda (sý qoımalarynda) balyq aýlaýǵa bolmaıdy. Shekteý balyq aýlaýdyń kez kelgen túrine jáne balyqtyń barlyq túrine qoldanylady.
Bul shara balyq resýrstaryn jáne basqa da sý janýarlaryn saqtap qalý úshin engizilýde. Mamandar áýesqoı balyqshylardan jyl saıynǵy ýaqytsha tyıymǵa túsinistikpen qaraýdy suraıdy. QR ÁQBtK-niń 383-babyna sáıkes, balyq aýlaý erejelerin buzǵany úshin jeke tulǵalarǵa 10 AEK (1 AEK – 2917 teńge) mólsherinde aıyppul salynady, oǵan qosa balyqtyń aýlanýyna jáne túrine baılanysty zalal tólemi óndirilip alynady.
Eger ýyldyryq shashý kezeńinde balyq aýlaý asa iri mólsherde júrgizilse, qylmystyq jaýapkershilik kózdelgen. Mundaı jaǵdaılarda aıyppul 100 AEK-ten asady.
Balyq aýlaýǵa barar aldynda «balyq aýlaý erejelerimen» muqııat tanysyp alǵan jón. Bul janýarlar dúnıesin zańdy túrde paıdalanýdy sıpattaıtyn Qazaqstan Respýblıkasy Zańynyń negizgi zańǵa táýeldi aktileriniń biri bolyp tabylady.
