Aımaqtar • 11 Sáýir, 2021

Aqtóbedegi shoshqa fermasynyń basshysy tergeýge alyndy

77 ret kórsetildi

Aqtóbe qalasyndaǵy shoshqa fermasynda kóń shyǵarylmaıtyn boldy. Endi aǵyndy sýdy tógýge ruqsat joq, dep habarlaıdy Egemen.kz óńirlik kommýnıkasııalar qyzmetine silteme jasap.

Eske sala keteıik, Aqtóbe oblysy, Alǵa aýdany, Bestamaq aýylynda ornalasqan «Parıjskaıa kommýna XXI» JShS-da ekologııalyq zańnamanyń buzylýyna baılanysty sot úkimimen 7 mıllıard teńge kóleminde aıyppul salynǵan edi.

Sottyń sheshimimen Aqtóbe oblystyq Ekologııa departamentiniń las sýdy tógý men kóń saqtaý qyzmetin toqtatý týraly talap-aryzy da qanaǵattandyryldy. Eki sheshim de qazirgi tańda kúshine endi.

«Sot oryndaýshylary seriktestikke las sýdy tógý jáne kóń qoımasynyń jumysyn toqtatý týraly habarlama joldady. ​Alaıda «Parıjskaıa kommýna XXI» JShS tarapynan sot sheshimderin oryndaý boıynsha tıisti shara qabyldanbady jáne olardy oryndaýǵa nıet bildirmedi. Sot oryndaýshylary qubyrlardy dánekerlep, kóń qoımasynyń esigine qulyp saldy», dedi baspasóz qyzmetiniń ókili.

Qazirgi kezde shoshqa fermasynyń ıesi Gaık Terterıan úıqamaqta otyr. Oǵan qatysty qylmystyq tergeý bastaldy.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar