Baqytjan Áshirbaev Shymkent qalasynda dúnıege kelgen. Sol qalada «Sáýletshi» mamandyǵy boıynsha joǵary bilim alyp, ómir boıy sáýlet jáne qurylys salasynda qyzmet atqarǵan.
Belgili sáýletshi eńbek jolyn Shymkent qalasyndaǵy «Iýjgorselproekt» memlekettik jobalaý ınstıtýtynda sáýletshi bolyp bastaǵan.
1981-1999 jyldary Shymkent qalasynyń bas sáýletshisi bolyp jumys istedi. Sol jyldary onyń basshylyǵymen qala ortalyǵy zamanaýı kóriniske ıe boldy.
1999 jyldan 2005 jylǵa deıin B.Áshirbaev «Túrkistannyń 1500 jyldyq mereıtoıyn daıyndaý jáne ótkizý dıreksııasyn» basqardy.
2010 jyldyń tamyz aıynan – Ońtústik qazaqstan oblysy sáýlet jáne qala qurylysy basqarmasynyń bastyǵy.
Baqytjan Áshirbaev Túrkistannyń 1500 jyldyq mereıtoıyna oraı qurylys salǵany úshin Memlekettik syılyqtyń laýreaty atandy. Bul onyń ómirindegi mańyzdy kezeń – Túrkistan mereıtoıyna daıyndyqqa qatysý boldy.
Keıinnen Baqytjan Áshirbaev oblystyń bas sáýletshisi, Ońtústik Qazaqstan oblysy ákiminiń orynbasary bolyp jumys istedi.
