Jelezın aýdandyq soty baspasóz qyzmetiniń málimdeýinshe, sot materıaly boıynsha er adam osy jyldyń aqpan aıynda Reseı Federasııasynyń Irkýtsk qalasyna shyǵý maqsatynda Jambyl oblysynda zańsyz jolmen ózine jasandy júrgizýshi kýáligin jasatyp alǵan.
«2021 jyldyń 17 aqpanynda «Daf» markaly avtokólikpen ekinshi júrgizýshi retinde Jelezın aýdanyndaǵy «Úrlitóbe» shekara beketine deıin jetken. Qazaqstan Respýblıkasynyń Memlekettik shekarasynan óter kezde shekara qyzmetkerlerine jasandy júrgizýshi kýáligin kórsetken», dedi baspasóz qyzmetinde.
Sotqa deıingi tergeý barysynda sottalýshy isti dáleldemelerdi zerttemeı, buıryqtyq is júrgizý arqyly qaraý týraly ótinish bildirdi.
Sot úkimimen A. Qylmystyq kodekstiń 385-baby, 3-bólimi boıynsha kináli dep tanyldy jáne 29170 teńge aıyppul retinde jaza taǵaıyndaldy.
Úkim zańdy kúshine engen joq.
