«Qazaqstan Respýblıkasynyń keıbir zańnamalyq aktilerine Qazaqstan Respýblıkasy Memleket basshysynyń 2020 jylǵy 1 qyrkúıektegi «Jańa jaǵdaıdaǵy Qazaqstan: is-qımyl kezeńi» atty Qazaqstan halqyna Joldaýynyń jekelegen erejelerin iske asyrý máselesi boıynsha ózgerister men tolyqtyrýlar engizý týraly» Zań qabyldanyp, Eńbek kodeksine jáne «Qazaqstan Respýblıkasynyń memlekettik qyzmeti týraly» zańǵa tıisti túzetýler engizildi. Atap aıtqanda, Respýblıka azamattyǵyn joıǵan ne odan aıyrylǵan, sondaı-aq shet memlekettiń azamattyǵy bar memlekettik qyzmetkershi (kvazımemlekettik sektor basshylary) qyzmetten shyǵarylýǵa jatady», dedi ol.
Agenttik tóraıymynyń aıtýynsha, osy talaptardy oryndaý tetigin ázirleý aıasynda Ishki ister mınıstrligi memlekettik organdar usynǵan memlekettik qyzmetkerlerdiń «qos azamattyǵynyń» bar-joǵyn tekseredi.
«Qazirgi ýaqytta qos azamattyqty anyqtaý faktisi boıynsha memlekettik qyzmetshiler (Shymkent qalasynyń Sport jáne dene shynyqtyrý basqarmasynyń basshysy O.Pochıvalov pen Saýda jáne ıntegrasııa mınıstrligi Tehnıkalyq retteý jáne metrologııa komıtetiniń Aqmola oblysy boıynsha departamentiniń bas mamany I.Tochıdlovskaıa) atqaryp otyrǵan laýazymynan bosatyldy. Osylaısha, memlekettik ákimshilik qyzmetkerlerge qatysty barlyq zańnamalyq sharalar qabyldandy dep sanaımyz», dedi Anar Jaıylǵanova.
