Qaraǵandy farmasevtıkalyq kesheninde vaksına óndirisiniń kólemi sáýir aıynda 1,5 mıllıon dozaǵa jetedi.
«Jalpy, Qazaqstan aýmaǵynda «Spýtnık V» vaksınasyna tirkeýdi alǵan kúnnen bastap Qaraǵandy farmasevtıkalyq kesheni atalǵan vaksınanyń 958 myń dozasy óndirip jetkizdi. Sondaı-aq, Reseıde óndirilgen «Spýtnık – V» vaksınasynyń 52 myń dozasyn jetkizýdi júzege asyrdy», delingen habarlamada.
QFK málimdeýinshe, «Spýtnık V» vaksınasynyń óndirisi men jetkizilýi bekitilgen kesteden erte júzege asyrylyp keledi.
«QFK qyzmetkerleri preparatty ári qaraı alyp júrý - farmakologııalyq qadaǵalaý, ıaǵnı unamsyz qubylystardy monıtorıngileý, pasıentterdiń ótinishi men shaǵymdaryn jınaý, taldaýdy júzege asyrady», delingen habarlamada.
