Sehtaryn tolyq jańartpaq

Eýrazııalyq top (ERG) qura­myndaǵy Aqtóbe ferroqorytpa zaýyty­nyń birinshi jáne ekinshi sehtaryn qaıta qurýǵa basa nazar aýdarylyp otyr. Ol qatty qaldyqtar shyǵaryndysyn 30 paıyzǵa azaıtýǵa múmkindik beredi. Balqytý sehtaryn qaı­ta qurýdan bólek, munda taǵy bir joba bar. Ol – ferro­qo­ryt­pa gazy paıdalanylatyn ýtı­lızasııalyq elektr stansasy­nyń qurylysy. Onyń elektr ener­gııasyn óndirý qýaty shamamen 100 MVT bolmaq.

– Bul jobanyń mańyz­dy­ly­ǵyna nazar aýdarǵym keledi. Aýaǵa shyǵarylatyn gazdardy óndiristiń elektr energııasyna kádege jaratý arqyly bir oqpen eki qoıandy atýǵa bolady. Iаǵnı elektr energııasyn óndirý jáne gazdy paıdalaný turǵysynan. Bul jobany Úkimette qoldadyq. Sondyqtan ony barynsha jyldam iske qosý kerek, – dedi Aq­tóbe ferroqorytpa zaýytynda bol­ǵan Ekologııa, geologııa já­ne tabıǵı resýrstar mınıstri Maǵzum Myrzaǵalıev.

«Qazhrom» transulttyq kom­panııasy qaldyqtardy qaıta óńdeý baǵdarlamasyna erekshe kóńil bólip otyr. 2019 jylǵy sátsiz tájirıbeni eskere otyryp, kompanııa qaldyqtardy qaı­ta óńdeıtin bógde uıym­darmen birlese jumys isteý­den bas tartty. Osylaısha, ERG-diń barlyq kásipornyn­da qa­lyptasatyn qaldyqtar­ǵa qa­tys­ty qyzmetter sıklin usy­nýǵa mamandandyrylǵan ERG Recycling kompanııasy qu­ryl­ǵan bolatyn. Búginde ERG Recycling kompanııasynyń tike­leı qatysýymen birqatar qaıta óńdeý jáne ekologııalyq baǵyttaǵy jobalar iske asyryldy. 2021 jyly Aqtóbe fer­ro­qorytpa zaýytynda iske qo­sylǵan gaz tazartýdaǵy shań­­dy brı­ketteýdiń joǵary tehno­lo­gııa­lyq sehy – sonyń aıqyn dáleli.

Seh aıyna 4 myń tonnaǵa deıin joǵary sapaly hrom brıketterin shyǵara alady. Kom­­panııada qajettilikter týyn­­daǵanda ilespe óndiris re­tin­de qurylys materıaldary (qabyrǵa jáne irgetas blok­tary) shyǵarylady. Turaq­tan­dyrylǵan jáne qatparly shlak­tardy qaıta óńdeý ju­mys­tarynan jylyna 200 myń tonna ónim óndirilýde. 2019 jyly bastalǵan Aqtóbe ferro­qorytpa zaýytynyń tazar­tylǵan ferrohromynyń qorda­lan­ǵan shlaktaryn óńdeý isi jal­ǵastyrylady. Bul – strate­gııa­lyq tapsyrma. О́ńdeý qar­qynyna keletin bolsaq, 2019 jyly – 50 myń tonna, 2020 jyly 100 myń tonna qaldyq óńdelgen. 2021 jyly qosymsha 150 myń tonna óńdelmek. ERG Recycling 2025 jylǵa qaraı jyldyq kó­lemin 500 myń ton­naǵa deıin ul­ǵaıtýdy jospar­lap otyr. Osy jyldyń ózin­de Aqtóbe fer­­roqorytpa zaýy­tynda shlaktar­dan metal­dy tolyǵymen alý jáne odan ári beton eritindileri túrinde suranysqa ıe qurylys ónimderin shyǵaratyn qaıta óńdeý kesheniniń birinshi kezeńi iske asyrylmaq.

– «Qazhrom» jabdyqtardy modernızasııalaý, qaldyqtardy óńdeýden bólek, shyǵyn kóz­derine sholý jasaýdyń avto­mattandyrylǵan júıesin ornatyp jatyr. Bul kezeńde ke­li­sim jasalyp, joba aldyn­daǵy tekseris bastaldy. Kompanııanyń Aqsý, Aqtóbe jáne Hromtaý qalalaryndaǵy fılıaldarynyń sanıtarlyq-qorǵaý aımaqtary shekara­laryn­da baqylaýdyń   avtomat­tan­dyrylǵan júıesin ornatý kózdelgen. 2021 jyldyń so­­ńyn­da atalǵan zamanaýı jab­­dyqty paıdalanýǵa berý jospar­da bar, – dep habarlady Eý­ra­zııalyq toptyń baspasóz qyzmeti.

«Qazhrom» TUK» AQ pre­zıdenti Arman Esenjo­lovtyń aıtýynsha, qorshaǵan ortaǵa degen qamqorlyq tek óndiristik qyzmetpen shektelip qalmaýy kerek. Bul rette kompanııa 2021 jyly qorshaǵan ortaǵa júk­temeni azaıtýǵa baǵyttalǵan shara­lardy júzege asyrý úshin óziniń barlyq fılıaldary­na (Aqtóbe jáne Aqsý ferro­qo­ryt­pa zaýyttary, Dóń taý-ken ba­ıytý kombınaty, «Qaz­mar­ga­nes» ken basqarmasy) 20 mlrd teńgeden astam ınvestı­sııa quıýdy josparlap otyr. Eko­no­mıkadaǵy kúrdeli kezeń­ge qara­mastan, kompanııa qor­sha­ǵan ortany qorǵaý sharalary­na arnalǵan shyǵyndardy azaıt­paı, kerisinshe, odan ári ulǵaı­týda. Máselen, byltyr «Qaz­hrom­n­yń» barlyq fılıaldary úshin shamamen 11,5 mlrd teńge bó­lingen edi. Al 2021 jyly 9 mlrd teńgeden astam qarjy bir ǵa­na Aqtóbe fer­roqorytpa zaýytynda jum­salmaq.

Bıyl Aqsý men Aqtóbe fer­ro­qorytpa zaýyttary Keshen­di ekologııalyq ruqsat aldy. Kompanııa Eýropa men Reseıdiń tájirıbesin eskere otyryp, eń tıimdi qoljetimdi tehnolo­gııalardy engizýdiń 2030 jyl­ǵa deıingi baǵdarlamasyn ázirledi. Ony iske asyrýǵa shamamen 48 mlrd teńge bólinedi. Endi eki zaýyttyń qorshaǵan ortaǵa tıgizetin jalpy áseri 40 paıyzǵa deıin tómendeıtin bolady.