Ekonomıka • 14 Sáýir, 2021

Zeınetaqy qarajaty baspana baǵasyna áser etti

17 ret kórsetildi

Zeınetaqy jınaǵyndaǵy qarjyny paıdalaný múmkindigin paıdalanǵan azamattar BJZQ-dan 1 trln teńgeden astam aqsha alǵan. Osy arqyly azamattar turǵyn úı jaǵdaıyn jaqsartyp, em qabyldap, qarjylaryn ınvestısııalyq basqarýǵa bergisi keledi.

«Salymshylardyń ótinish­terine sáıkes, alynǵan somanyń shamamen 33,5 paıyzy turǵyn úıdi ıpotekasyz (tolyq satyp alý) alýǵa, shamamen 30 paıyzy ıpotekalyq qaryzdy óteýge, 23 paıyzdan astam soma jaqyn týystaryna berýge josparlanýda. Salymshylardyń arnaıy shottaryna kelip túsken tólemderdiń ortasha somasy 5 mln teńgeden asady. О́tinishterdiń basym bóligi Mańǵystaý oblysy (18%), odan keıin Almaty (17,3%) jáne Nur-Sultan (13,8%) qalalarynyń tur­ǵyndarynan kelip tústi», delin­gen qor habarlamasynda.

Emdelý maqsatynda azamattar 3,5 mlrd teńgeden astam qarjy alǵan. Ortasha eseppen alǵan­da bir ótinish boıynsha emdelýge 1 mln teńge zeınetaqy jınaqtary aýdarylady.

Telegramdaǵy FINANCE.KZ kanalynyń jazýynsha, jobanyń ýáki­letti operatory sanalatyn «Otbasy bank» zeınetaqy qar­­jysyn óz shottarynda ornalas­ty­rý arqyly 2,42 mlrd teńgege jýyq paıyzdyq tabys alýy múmkin edi. Bul qarjy – salym­shy­­lar óz ótinishterin durys tol­tyryp, zeınetaqy qarjysy ar­naıy shotta 10 kúnnen artyq jatpaǵan jaǵdaıda túsetin mınımaldy soma eken.

«9 sáýirde «Otbasy bank» ar­naıy shotyna 1 trln teńgeden astam soma kelip tústi. Bul qarjy banktiń ortaq balansyna túsip, qysqa merzimdi operasııalarǵa qatysady. Bul rette bank klıentterge eshqandaı paıyzdyq tabys eseptemeı, ony tolyqtaı ózinde qaldyrady» dep jazady kanal.

Birinshi kredıttik bıýronyń málimdeýinshe, naryqqa mol aqsha keledi eken degen spekýlıanttyq kútimniń ózi-aq baspana baǵasy­nyń sharyqtap ketýine ákelip soqty.

«2020 jyldyń ekinshi jartysynan bastap ekinshi naryqtaǵy 1 sharshy metr turǵyn úı baǵasy aıyna 1 paıyzdan kem emes qar­qynmen ósti. 2021 jyldyń qań­tarynda jyldamdyq 5 paıyz­ǵa deıin artty. Jańa úıler baǵa­sy da jyl basynda 3 paıyz­ǵa qymbattady. Alaıda aqpan­da­ǵy baǵa ósimi qańtarmen sa­lys­­tyrǵanda birshama kemidi. BJZQ-dan mol aqsha aǵynynyń negizgi bóligi aqpannyń alǵashqy jartysynda tústi: 322 mlrd teń­geden astam qarajat. Sarap­shy­lardyń paıymdaýynsha, zeınet­aqy jınaqtarynyń bir bóligi­niń tólem mólsherlemesiniń tómen­deýimen (qarajat aqpan­nyń alǵashqy 9 kúnine qaraǵan­da naýryzdyń 25 kúninde az aýdarylǵan), mundaı operasııa­lardyń sany azaıady, bul jalpy dınamıkaǵa áser etýi múmkin» delingen bıýro habarlamasynda.

Ulttyq statıstıka bıýrosy­nyń aqparaty boıynsha, aqpan aıyn­da elimizde 41 101 satyp alý-satý kelisimi jasalǵan. Bul qań­tarmen salystyrǵanda 90,5 pa­ıyz­ǵa, 2019 jyldyń aqpany­men salystyrǵanda 78,9 paıyzǵa kóp. 2021 jyldyń qańtar-aqpan aılarynda turǵyn úı satyp alý boıynsha 62 678 kelisim jasalypty.

Sońǵy jańalyqtar

Shýchede jańa sport kesheni salynady

Aımaqtar • Búgin, 18:59

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar