Álem • 14 Sáýir, 2021

Dárigerler «vaksınadan qaıtys bolǵan» zeınetkerge qatysty málimdeme jasady

256 ret kórsetildi

Lıtvanyń Klaıpede qalasyndaǵy emhanada 78 jastaǵy zeınetker Moderna vaksınasynyń ekinshi dozasyn qabyldaǵannan soń qaıtys boldy, dep habarlaıdy Egemen.kz Lıtva radıosyna silteme jasap.

«Aldyn ala málimetter boıynsha 78 jastaǵy er adamnyń ólimi vaksınamen baılanysty emes, biz muny egjeı-tegjeıli tekseretin bolamyz», deıdi aýrýhananyń bas dárigeri Loreta Venskıe.

Dárigerdiń aıtýynsha, qarııaǵa vaksına egilgennen keıin ózin jaqsy sezingen, alaıda biraz ýaqyt óte kele, álsizdik paıda bolǵan. О́kinishke qaraı, jedel járdem kelgenimen, ony qutqara almaǵan.

«Biz ólimniń naqty sebebin anyqtaı almaı otyrmyz, tergeýdiń qorytyndysyn kútemiz. Biraq bul vaksınamen baılanysty emes dep oılaımyn. О́ıtkeni qandaı da bir naqty belgiler joq. Tromboembolııa da anafılaktıkalyq reaksııa da joq», dedi dáriger.

Ol naýqastyń ambýlatorııalyq kartaǵa sáıkes birneshe jyl boıy dárigerdiń baqylaýynda bolǵanymen, aýyr dıagnozy joq ekenin aıtty.

Lıtvada 27 jeltoqsannan bastap COVID-19-ǵa qarsy jappaı vaksınalaý bastaldy. Vaksınalaýdan keıin 8 adam kóz jumdy. Biraq memlekettik dári-dármekterdi baqylaý agenttiginiń habarlaýynsha, olar ekpeden emes, naýqastardyń jasymen jáne túrli sozylmaly aýrýlarymen baılanysty dep otyr.

 

Gaýhar QAPASh

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar