Aımaqtar • 14 Sáýir, 2021

SES shara qoldanbaı otyr: Almatydaǵy Áýezov aýdanynyń ákimi karantın erejesin buzǵan

31 ret kórsetildi

Almaty qalasyndaǵy Áýezov aýdanyń basshysy karantındik normalardy saqtamaı, qyzmetkerlermen betbe-bet jınalys ótkizgen, ári ol úshin jaýapqa tartylmaǵan, dep habarlaıdy Egemen.kz qalalyq Sanıtarlyq-epıdemııalyq baqylaý departamentine silteme jasap.

Onlaın brıfıng barysynda qalalyq Sanıtarlyq-epıdemııalyq baqylaý departamenti basshysynyń orynbasary Sádýaqas Baıǵabylov aýdan ákiminiń ne sebepti jaýapqa tartylmaǵany týraly aıtyp berdi.

Sádýaqas Baıǵabylovtyń aıtýynsha, karantındik shekteýlerdi buzǵan aýdan ákimi bul kúnde aýmaqtyq monıtorıngtik topty basqaratyndyqtan, osy iste múddeler qaqtyǵysy bar ekenin rastady.

«Munda múddeler qaqtyǵysy bar. О́ıtkeni monıtorıng toptardy aýdan ákimderi óz baqylaýyna alady. Osy máselege tıisti sharalar qabyldaý úshin joǵary organdarǵa júginý qajet», dedi Sádýaqas Baıǵabylov.

Sonymen qatar ol atalǵan jaıt týraly materıaldar sanıtarlyq-epıdemııalyq baqylaý organdaryna jiberilmegenin jáne olar tek tıisti dáıekter kelip túskennen keıin shara qabyldaıtynyn alǵa tartady.

«Karantındik sharalardy buzatyn memlekettik organdardyń birinshi basshylaryn jaýapqa tartý jónindegi jańa bastamalar men tetikterin qarastyrý qajet. Sony negizge ala otyryp, monıtorıngtik toptardyń jumysy jónindegi algorıtmge engizý kerektigin basa aıtty.

Aýdan ákimi 20 naýryzdaǵy qaýlynyń toǵyzynshy tarmaǵyn buza otyryp, keminde eki ret betpe-bet kezdesýler ótkizgen. 26 naýryzda ótken birinshi jıynǵa Jandarbek Bekshınniń ózi, sondaı-aq Densaýlyq saqtaý mınıstri jáne ákimdik qyzmetkerleri qatysqan.

Aıta keterligi, karantındik talaptardy saqtamaǵany úshin eshkim jaýapqa tartylmaıdy. Ákimdik ókiliniń aıtýynsha, Almaty men SES bıligi epıdemııalyq ahýaldyń kúrt nasharlaýyna baılanysty otyrys ótkizý qajet bolǵan. Ol jıynǵa qatysýshylar qorǵanys quraldaryn qoldanǵanyn jáne PTR-test tapsyrǵanyn atap ótti. Sanıtarlyq dárigerdiń qaýlysyn buzǵan ekinshi otyrysty 29 naýryzda Almaty qalasy Áýezov aýdanynyń ákimi Saıran Saıfedenov ótkizdi. Kezdesýde kóppáterli turǵyn úılerdi basqarýdyń jańa nysanyna kóshirý talqylanǵan desedi.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar