Prezıdent • 14 Sáýir, 2021

Q.Toqaev AQSh-taǵy elshige Baıden ákimshiligimen yntymaqtastyqty jolǵa qoıýdy tapsyrdy

43 ret kórsetildi

Prezıdent Qazaqstannyń AQSh-taǵy jańadan taǵaıyndalǵan elshisi Erjan Ashyqbaevty qabyldady, dep habarlaıdy Egemen.kz Aqordanyń baspasóz qyzmetine silteme jasap.

Kezdesý barysynda Qasym-Jomart Toqaev Vashıngtonmen aradaǵy keń aýqymdy strategııalyq seriktestikti odan ári damytýdyń mańyzdy ekenine nazar aýdardy.

Prezıdent Amerıka Qurama Shtattary Qazaqstan ekonomıkasynyń eń iri ınvestory ekenin, energetıka, aýyl sharýashylyǵy jáne jańa tehnologııa salalaryndaǵy saýda-ekonomıkalyq yntymaqtastyqtyń belsendi damyp kele jatqanyn atap ótti. Eki el arasynda aıtarlyqtaı quqyqtyq-sharttyq baza qalyptasqan. Mádenı-gýmanıtarlyq jáne bilim salalary boıynsha tabysty yqpaldastyq ornaǵan.

Qasym-Jomart Toqaev Erjan Ashyqbaevqa Prezıdent Djozef Baıden ákimshiligimen ózara tıimdi yntymaqtastyqty jolǵa qoıýǵa  baǵyttalǵan birqatar tapsyrma berdi.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar