Aımaqtar • 13 Sáýir, 2021

Tanysyn qatigezdikpen óltirgen qylmyskerge sot úkimi shyqty

1268 ret kórsetildi

Qostanaı oblysynyń turǵyny tanysynyń basyn kesip alyp, kóshe boıynda shelekke salyp júrgen. Sot úkimi boıynsha oǵan qatań jaza kesiledi, dep habarlaıdy Egemen.kz

Jantúrshigerlik jaıt byltyr, 3 jeltoqsan kúni Rýdnyı qalasynda bolǵan. 

«Sottalýshy sol kúni tanysynyń páterinde alkogoldik ishimdik ishken. Túnde ekeýiniń arasynda janjal týyndap B. esimdi kúdikti as úı pyshaǵymen jábirlenýshiniń moıyn tusynan birneshe jerge pyshaq jaraqatyn salady. Sodan soń basyn kesip alǵan. Kesilgen basty shelekke salyp jábirlenýshiniń úıinen shyǵyp ketedi. Alaıda polısııaǵa erikti túrde ózi habarlasyp kinásin moıyndady», delingen sot habarlamasynda.

Sottalýshy 99-baptyń 2-bóligi boıynsha kináli dep tanyldy.

Sottalýshynyń buryn sotty bolmaǵanyn eskerip, sondaı-aq erikti túrde polıseılerdi shaqyryp kináli ekenin moıyndaǵany úshin sot ony qatań rejimdegi qylmystyq-atqarý júıesi mekemesinde 16 jylǵa bas bostandyǵynan aıyrdy.

Sonymen qatar sottalýshyǵa alkogolızmnen májbúrli túrde emdeý taǵaıyndaldy. Budan bólek, jábirlenýshiniń jalpy somasy 2 329814 teńgeni quraıtyn talabyn ótep berý tolyǵymen qanaǵattandyryldy. Úkim áli zańdy kúshine engen joq.

 

Gaýhar QAPASh

Sońǵy jańalyqtar

Almaty mańynda jer silkindi

Aımaqtar • Keshe

Sý aıaǵy qurdymǵa kete me?

Aımaqtar • Keshe

Kók túrkiniń kózi

Tarıh • Keshe

Tólge toly Taıketken

Ekologııa • Keshe

15 mamyr – Halyqaralyq otbasy kúni

Qoǵam • 15 Mamyr, 2021

Semeıde eki jeńil kólik soqtyǵysyp qaldy

Aımaqtar • 15 Mamyr, 2021

Uqsas jańalyqtar