Rýhanııat • 14 Sáýir, 2021

Ǵaryshkerler kúnine arnalǵan kórme

82 ret kórsetildi

Ǵaryshkerler kúni Qazaqstan Respýblıkasynyń Tuńǵysh Prezıdenti – Elbasy kitaphanasynyń mýzeıinde «Adamǵa tabyn, jer, endi!» atty halyqaralyq kórme ashyldy. Jıyn Táýelsizdiktiń 30 jyldyǵy, Iýrıı Gagarınniń ǵaryshqa ushýynyń 60 jyldyǵy jáne Toqtar Áýbákirovtiń ǵaryshqa saparyna 30 jyl tolýyna oraı uıymdastyryldy.

Qazaqstan Respýblıkasynyń Tuńǵysh Prezıdenti – Elbasy kitaphanasynyń dı­rektory Baqytjan Temirbolat kórme men is-shara baǵdarlamasy ǵaryshqa tuńǵysh jol salýshylardyń erlik­terin este saqtap, qurmetteıtin postkeńestik keńistik halyqtary múddeleriniń ortaq­tyǵyn rastaıtyn aıryqsha oqıǵa  ekenin atap ótti.

«Búgingi aýqymdy jobany Elbasy kitaphanasy Qazaqstan, Reseı jáne Ýkraına uıymdarymen seriktestik negiz­de júzege asyrdy. Munda plane­tanyń basty ǵarysh aılaǵyna aınalatyn Uly dalanyń órkendeý kezeńin qam­tıtyn biregeı qujattar, eskponat­tar usynylǵan. Is-sharanyń jańa elordadaǵy El­basynyń alǵashqy jumys rezıdensııa­synda ótýiniń sımvoldyq máni bar, óıt­keni onyń salıqaly saıasatynyń arqasynda Baıqońyr burynǵysynsha óziniń strategııalyq mańyzyn saqtap keledi. Qazaqstan óziniń ǵarysh salasyn qalyptastyryp, batyrlaryn aspan álemine attandyrdy. Elimizdiń álemdik ǵarysh salasyn damytýǵa qosqan úlesi týraly aıta kele, Qazaqstan Pre­zıdenti Qasym-Jomart Toqaev bylaı degen bolatyn. «Baıqońyr – kúl­li adamzattyń ıgiligi, onyń álemdik kos­monav­tıkadaǵy tarıhı róli zor», dep atap ótti B.Temirbolat.

Kórme ataýy Oljas Súleı­menovtiń ǵaryshty baǵyndyrǵan adamzatty áıgi­lep, kúlli álemnen súıinshi suraǵan «Adamǵa tabyn, jer, endi!» poemasynan alynyp otyr. Poema aýqymdy kór­meniń arqaýyna aınaldy. Kórmeniń ashylýynda kórermenge poe­manyń avtory, Qazaqstannyń Eńbek Eri, Halyq jazýshysy Oljas Súleımenov onlaın ún­deý joldap, poemanyń jazy­lý tarı­hy men ańyzǵa aınalǵan Iý.A.Gagarın­niń ǵaryshqa ushqan kúni týraly estelik­terimen bó­listi.

«12 sáýir kúni tańerteń gazette me­niń «Adamǵa tabyn, jer, endi!» óleńim jaryq kórdi. Iýrıı Gagarınge arnal­ǵan osy óleńim myńdaǵan túrli-tústi paraq­shaǵa jazylyp Almaty aspanynan jerge tógildi... Barsha halyq kóshe­de  jınalǵan eki sát esimde – bul 1945 jylǵy 9 mamyr jáne 1961 jylǵy 12 sáýir. Búkil adam­zat­tyń boıyn bir ǵana qýanysh, baqyt, bolashaqqa degen úmit sezimi bıledi. Osy kóńil kúıdiń áserimen óleńimdi jalǵastyryp, bir apta ishinde tutas poema jazdym», dep oı bólisken O.Súleımenov, óz týyndysynan shaǵyn úzindi oqyp berdi.

Kórmeniń ashylýyna Reseı Fede­rasııa­synyń Qazaq­stan Res­pýb­lıka­syn­daǵy Tótenshe jáne ókiletti elshisi Alekseı Boro­dav­­kın qatys­ty. Ol óz sózinde kór­meni uıymdastyrýshylar tara­py­nan qazaqstandyq aýdı­torııa­­ǵa eki memleket arasyndaǵy ynty­­maq­tastyq  aıasynda ǵarysh sala­syn­daǵy jetistikterdi kór­setý maq­satynda úlken jumys atqa­ryl­ǵanyn atap ótti.

«Alǵashqy «Vostok» ǵarysh kemesin ushyrý jáne aspan álemin odan ári ıgerý qazaq jerindegi Baıqońyr ǵarysh aılaǵynan bastaldy. Osy jerden Qazaqstannyń tuńǵysh ǵarysh­keri Toqtar Áýbákirov te ushty, onyń ǵarysh­taǵy alǵashqy saparynyń 30 jyl­dyǵyn biz osy jyly atap óte­miz. Ǵaryshty baǵyndyrǵan qos qazaqstandyq batyr Talǵat Musabaev pen Aıdyn Aıymbetovtiń esimderi álemdik ǵaryshkerler tarıhyna jazyldy... Árıne, «Adamǵa tabyn, jer, endi!» jobasy gýmanıtarlyq saladaǵy Reseı-Qazaqstan baılanystarynyń qar­qyndy damýynyń jarqyn aıǵaǵy», dedi A.Borodavkın.

Kórme «Jer jaǵalaýy», «Jer. Baı­qońyr ǵarysh aılaǵy», «Jer. Al­ǵash­qylardyń ýaqyty» atty úsh ta­qyryptyq bólimnen turady. Onyń negizgi bóligi burynǵy rezıdensııanyń konstrýktıvti sheshimi boıynsha biregeı «Kúm­bezdi» zalynda – joǵary deńgeı­degi memleketaralyq kezdesýler ótken, onyń ishinde ǵaryshty ıgerý máselesi de qaralǵan tarıhı oryn­da ornalasqan.

Is-shara uıymdastyrý­shy­laryn Ýkraınanyń Jıtomır qala­­syndaǵy S.P.Korolev atyn­daǵy Ulttyq kosmonavtıka mýzeıi ókilderi Ǵaryshkerler kúni­men quttyqtap, beıneúndeý joldady.

«Ýkraına – Sergeı Korolevtiń otany, al Qazaqstan onyń armanyn is júzinde júzege asyr­ǵan kıeli mekenge aınaldy. Biz­diń elderimizdi ortaq tarıh, ǵa­ryshtyq jetistikter tarıhy birik­tiredi. Bul bolashaq ǵylymı-mádenı yntymaqtastyqtyń, eki halyq arasyndaǵy dostyq baılanysty nyǵaıtýdyń negizi bolsyn», dep atap ótti Alla Lekteva.

Qazaqstandyqtarǵa Máskeý qala­syn­daǵy Iý.A.Gagarın atyn­daǵy kosmonavtıka mýzeıiniń aty­nan Keńes Odaǵynyń Ba­tyry, KSRO ushqysh-ǵarysh­keri Aleksandr Laveıkın de sóz sóı­lep, qut­tyqtaý joldady. «Qur­metti dos­tar, men «Mır» stansasyna ekspedısııa koman­dıri Iýrıı Romanenkomen birge ushqan kezde, biz jerimizge kóp qaradyq. Árıne, kórikti jerler kóp. Biraq eń ádemisi – siz­der­diń mekenderińiz, sizdiń tabı­ǵat­taryńyz jáne sizderdiń adam­daryńyz».

«Astana Opera» memlekettik opera jáne balet teatry men M.Gor­kıı atyndaǵy memlekettik akade­mııalyq orys drama teatry­nyń ártisteriniń  «Adamǵa tabyn, jer, endi!» mýzykalyq-poetı­ka­lyq qoıylymy is-sharanyń kór­­kin ashty. Aıta ketý kerek, halyq­­­ara­lyq kórmeni daıyndaý jáne jú­zege asyrý úderisi tarıhı jad pen jalpyadamzattyq qun­dylyqtardy qurmetteýdiń ortaq úlgisine aınaldy.

Sońǵy jańalyqtar

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

14 mamyrǵa arnalǵan aýa raıy boljamy

Aýa raıy • Búgin, 09:13

«Barystyń» alǵashqy transferi

Hokkeı • Búgin, 08:50

Gala-baletter: bı kórkemdigi

О́ner • Búgin, 08:44

Ǵasyrlardy toǵystyrǵan ǵajaıyp

О́ner • Búgin, 08:40

Kómir baıytý fabrıkasy iske qosyldy

Aımaqtar • Búgin, 08:38

«Án» be, «ún» be?

Rýhanııat • Búgin, 08:36

Jýrnalıst Qasym

Rýhanııat • Búgin, 08:34

Sóz soıyl: Ázil-ospaq

Rýhanııat • Búgin, 08:32

Sóz soıyl: Táýbeli maqal-mátel

Tanym • Búgin, 08:27

Dalalyq órkenıet taǵylymy

Tarıh • Búgin, 08:23

Balaǵa meıirin tókken polıseı

Qoǵam • Búgin, 08:21

Balabaqshanyń joǵynan bary jaqsy

Aımaqtar • Búgin, 08:18

Kásipke baýlý – qasıetti borysh

Aımaqtar • Búgin, 08:16

Aty-jónimizge abaı bolaıyq

Qoǵam • Búgin, 08:14

Úı ishindegi úılesim

Pikir • Búgin, 08:06

Qoı baqqan ozar...

Aımaqtar • Búgin, 08:03

Halyqaralyq qujattar qabyldandy

Qazaqstan • Búgin, 07:58

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Qaıyrymdylyq– qaıyrly is

Rýhanııat • Keshe

Uqsas jańalyqtar