Prezıdent Qasym-Jomart Toqaev jol jelisiniń sapasyna qatysty azamattardyń aıtyp júrgen syny oryndy dep baǵa berip, qalyptasqan jaǵdaıdy retteý úshin júıeli sharalardy qabyldaýdy júktegen bolatyn.
Jergilikti mańyzy bar joldardyń jalpy uzyndyǵy – 71 myń shaqyrym, sonyń 25%-y búginde qanaǵattanarlyqsyz jaǵdaıda. 2025 jylǵa deıin jergilikti mańyzy bar joldyń 27 myń shaqyrymyna jóndeý júrgizý kózdelgen. Bul joldardyń 95%-yn normatıvti jaǵdaıǵa jetkizýge múmkindik beredi.
Respýblıkalyq buqaralyq aqparat quraldarynda jáne áleýmettik jelilerde qazaqstandyqtardyń jergilikti jelidegi joldardyń sapasyna qatysty jarııalanymdary men pikirleri jıilep ketti. Atalǵan másele mınıstrliktiń jiti baqylaýynda. Osylaısha, QR IIDM Avtomobıl joldary komıteti Jol aktıvteriniń ulttyq sapa ortalyǵy júrgizgen tekseristerdiń nátıjesi boıynsha 2020 jyly respýblıkalyq jelide anyqtalǵan eskertýlerdiń 2%-y túzetilmegen. Jergilikti jeli men eldimeken kósheleri boıynsha bul kórsetkish 25%-dy qurady.
Kezdesýdi qorytyndylaı kele, QR IIDM basshysy osy máselelerdi keshendi sheshý úshin joldar men kóshelerdi ortasha jáne aǵymdaǵy jóndeý boıynsha aýmaqtyq memlekettik sáýlet-qurylys baqylaý organdarynyń qyzmetin keńeıtý qajettigin, sonymen qatar barlyq deńgeıdegi avtomobıl joldaryn kútip-ustaýǵa qarjylandyrýdyń normatıvtik deńgeıin qamtamasyz etý kerektigin alǵa tartty. Budan bólek, oblystyq jáne aýdandyq mańyzy bar avtomobıl joldary men eldimekenderdegi kóshelerdi ortasha jóndeýge jobalyq-tehnıkalyq qujattamany daıyndaý men bekitýge qoıylatyn talaptardy kúsheıtý jáne aımaqtyq orta jáne aǵymdaǵy jóndeýler kezinde tehnıkalyq qadaǵalaýdy retteý úshin mindetti vedomstvolyq saraptamadan ótý qajettiligi atap ótildi.
Sapany jaqsartý máselesiniń taǵy bir sheshimi oblystyq jáne aýdandyq mańyzy bar avtomobıl joldaryn, sondaı-aq eldimekender kóshelerin ortasha jáne aǵymdyq jóndeý kezinde tehnıkalyq qadaǵalaýdy qamtamasyz etý bolady. Bul rette, Avtomobıl joldary komıtetine, «QazAvtoJol» UK» AQ jáne jergilikti atqarýshy organdarǵa jol jelisiniń sapasyn jaqsartý jónindegi tapsyrmalardyń oryndalýyn erekshe baqylaýǵa alý tapsyryldy. Sonymen qatar, Mınıstrlik óńirlerdiń reıtıngisin jasaıtyn bolady. Bul jergilikti mańyzy bar avtomobıl joldaryn salý, rekonstrýksııalaý jáne jóndeý sapasyna oń áser etetin bolady.
