О́ner • 15 Sáýir, 2021

Aqtoty Raıymqulova Halyqaralyq mádenıet jəne Dúnıejúzilik óner kúnimen quttyqtady

24 ret kórsetildi

Qazaqstan Respýblıkasynyń Mádenıet jáne sport mınıstri Aqtoty Raıymqulova 15 səýir – Halyqaralyq mádenıet jəne Dúnıejúzilik óner kúnimen quttyqtady, dep habarlaıdy Egemen.kz 

«Qurmetti dostar!
Ardaqty aǵaıyn!

Sizderdi 15 səýir – Halyqaralyq mádenıet jəne Dúnıejúzilik óner kúnimen shyn júrekten quttyqtaımyn!

Mədenıetti qorǵaý halyqaralyq lıgasynyń usynysymen 1998 jyldan beri búgin atap ótiletin ataýly kúnniń shynymen məni zor. Əlem halyqtarynyń dúnıetanymy, rýhanı baılyǵy, tynys-tirshiligi, salt-dástúrleri mádenıet atty asyl uǵymmen astasyp jatyr.

Eńseli, damyǵan el bolýdyń məıegi bolǵan mədenıettiń myǵym tuǵyry, altyn qazynasy óner. Adamnyń ulylyǵyn bildiretin ǵajap kórinisterdiń biri ónerge arnap arnaıy kún belgileý 2012 jyldan bastaý alady.

Elimiz Təýelsizdik alyp, eńse tiktegeli beri mədenıet pen ónerge erekshe den qoıyp keledi. Bereke-birlikke jany qushtar, ar-ádiletti tý tutqan halqymyzdy damýdyń dańǵyl jolyna bastaǵan Tuńǵysh Prezıdent – Elbasy Nursultan Nazarbaev Joldaýynda: «Mádenıet pen óner - qoǵam damýynyń negizgi qajetti salasy. Mádenıeti men óneri órkendegen qoǵam ár ýaqytta ilgerilep, damıdy», dep qos salanyń jiti nazarda bolatynyn aıtqan edi.

Təý eter Təýelsizdiktiń 30 jyldyǵy ishinde syndarly kezeńderge, qıynshylyqtarǵa qaramastan atalǵan salalarda qyrýar jumys atqaryldy. Aldaǵy ýaqytta da Mədenıet jəne sport mınıstrligi keshendi jumys josparyn jalǵastyryp, tolaıym tabystarǵa qol jetkizedi dep senemin.

Osynaý erekshe sətti paıdalana otyryp, mádenıet jáne óner salasynyń qyzmetkerlerine jyly lebizimdi jetkizip, zor alǵysymdy aıtamyn. Laıym izgilik pen jańashyldyq jolyndaǵy eseli eńbekterińizdiń jemisti bolýyna tilektespin. Mədenıet pen ónerdiń kókjıegin keń bolsyn!», dep jazylǵan mınıstrdiń quttyqtaý hatynda.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar