О́ner • 15 Sáýir, 2021

Jambyldyń dombyrasy jaýǵa shapqan

38 ret kórsetildi

Jaǵyna altyn jalatqan Jambyl jyraý,

Dalamnyń pernesinde dańǵyl buraý.

Jyraýǵa buraý sáıkes kele me dep,

Bireýler aýzymyzdy ańdyp júr-aý!..

 

Ańdyp júr-aý bireýler aýzymyzdy,

Ádeti álimsaqtan jaýdyń «izgi».

Sanańa saıahatshylary kelgen,

Jadyńnan óshirgendeı jáýdir izdi.

 

Ultyńdy dańqy daýyl ulmen qorǵar.

Qulqyńdy anty jaýyr qulmen qorǵar.

О́zińniń shyntaǵyńnan ósip shyqqan,

Jambyldyń jaǵasynda júrgen qoldar!

 

Ańdyǵan Abaı menen Muhtardy orlar.

Ábishteı juldyzyńdy jutqan zorlar.

Bildirmeı qylǵyndyrǵan biliktińdi,

Shyńǵyryp kórden qaıta shyqqan qoldar!

 

О́zińdi óz qolyńmen darǵa asqandaı,

Keıpi – Adam, keı jerleri – albasty ańdaı.

Darǵa asqandaı soıatyn sol qoldardy,

Aqyndardy qaırańdar aldaspandaı!

 

Tákappardy halyqtyń táýbasy atqan.

Táýbaly erdiń tabany aýmas attan.

О́leńderge qaıratyp órenderdi,

Jambyldyń dombyrasy jaýǵa shapqan!

 

Ezýińnen syrǵanap syńar kúlkiń,

Syńar kúlkiń keketken synar bir kún.

«Jambyl – aqyn emes» degender bar,

Akyndar Jambyl emes shyǵar múmkin!

 

Jambyl taýdyń etegi – jaýǵan nurlar.

Asqarynan tógilgen alýan jyrlar.

Quzar shyńdaı aspanda kushaqtasqan,

Tay Jambyldan týady dáý Jambyldar!

 

Mels Qosymbaev,

«Qurmet» ordeniniń ıegeri, Memlekettik Daryn syılyǵynyń laýreaty,

 

 

Aqtay qalasy

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar