Qoǵam • 15 Sáýir, 2021

Halyqty jumyspen qamtý qarqyny qandaı?

12 ret kórsetildi

2020 jyldyń qorytyndysy boıynsha eldegi jumys kúshiniń sany 9,2 mln adamdy. Onyń ishinde jaldamaly jumysshylar sany 6,7 mln adam, ózin-ózi jumyspen qamtyǵandar sany - 2 mln. Búgin Ortalyq kommýnıkasııalar qyzmeti alańynda ótken brıfıngte QR Eńbek jáne halyqty áleýmettik qorǵaý vıse-mınıstri Erjan Birjanov osyndaı málimetterdi jarııa etti, dep habarlaıdy Egemen.kz.

Onyń aıtýynsha, ótken jyldyń qorytyndysy boıynsha jumyssyzdar sany 449 myń adam.

«2018 jylmen salystyrǵanda jumys kúshi 43 myń adamǵa kóbeıdi. О́zin-ózi jumyspen qamtyǵandar sany 37 myńǵa azaıdy. Mınıstrlik turaqty túrde monıtorıng, saraptamalyq taldaýlar júrgizedi. 2019 jyldyń 4-toqsanynda ýaqytsha jumys istemeıtinder sany 99 myń bolsa, byltyr naǵyz qıyn kezeń - 2-shi toqsanda ýaqytsha jumys istemeıtinder sany 536 myńdy qurady nemese 4,5 esege ulǵaıdy. Tıisti sharalar qabyldaýdyń arqasynda jyl sońynda bul kórsetkish tómendedi. Iаǵnı, qoldanylǵan sharalar óz tıimdiligin jáne ekonomıkanyń turaqtylyǵyn kórsetti»,  dedi vıse-mınıstr. 

QR EHÁQM jumysyzdyq deńgeıiniń artýyna jol bermes úshin «Eńbek» baǵdarlamasy, «Jumyspen qamtý jol kartasy» sııaqty birqatar jobalardy iske asyrýda.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar