Úkimet • 15 Sáýir, 2021

Memleket basshysyna eki óńirdiń ákimi esep berdi

681 ret kórsetildi

Memleket basshysy Qasym-Jomart Toqaev Túrkistan jáne Pavlodar oblystarynyń ákimderimen óńirlerde qalyptasqan qazirgi sanıtarlyq-epıdemııalyq jáne áleýmettik-ekonomıkalyq ahýal týraly telefon arqyly sóılesti. Bul týraly Prezıdenttiń baspasóz hatshysy Berik Ýálı Facebook-tegi paraqshasynda jazdy, dep habarlaıdy Egemen.kz

Túrkistan oblysynyń ákimi Prezıdentke koronavırýstyń taralýy boıynsha óńirdiń qazirgi tańda «jasyl» aımaqta ekenin jáne 35 myń turǵynnyń vaksına alǵanyn baıandady. Qasym-Jomart Toqaevqa jańa Saýran aýdanyn qurý jumystarynyń barysy týraly málimet berildi. О́mirzaq Shókeevtiń aıtýynsha, qazir jańa ákimdiktiń basqarý júıesi men bıýdjeti bekitilýde. Jýyq arada quqyq qorǵaý organdary men mınıstrlikterdiń jergilikti bólimsheleri jumys isteı bastaıdy.

Jańadan qurylyp jatqan aýdannyń halqy 100 myńnan asady, jalpy aýmaǵy 650 myń gektarǵa jýyq. Aýdannyń ákimshilik ortalyǵy Shornaq aýyly.

Sonymen qatar áńgimelesý barysynda elektr qýatynyń apattyq jaǵdaıda sónýinen bolǵan zardaptardy qalpyna keltirý, kóktemgi sý tasqynynyń aldyn alý jáne egis naýqanyna sýdyń jetispeýshiligi problemasyn sheshý máselelerine basa mán berildi. Pavlodar oblysynyń ákimi Ábilqaıyr Sqaqov ta Prezıdentke koronavırýs indetine qarsy júrgizilip jatqan kúres sharalary jaıynda esep berdi.

О́ńir basshysynyń aıtýynsha, qazirgi ýaqytta óńir «sary» aımaqta. 13 sáýirdegi málimet boıynsha oblysqa «Spýtnık V» vaksınasynyń birinshi komponentiniń 21 750 jáne ekinshi komponentiniń 10 750 mólsheri jetkizilgen. Jalpy 19 myńnan astam adamǵa ekpe egilip, 4100 azamat vaksınanyń ekinshi komponentin saldyrǵan. Sonymen qatar Qasym-Jomart Toqaevqa kóktemgi egis naýqanyna daıyndyq jumystarynyń barysy týraly baıandaldy.

Ákimniń aıtýynsha, bıyl 1,490 myń gektar jerge egistik salý josparlanǵan. Bul byltyrǵy kórsetkishten 59 myń gektarǵa artyq. Memleket basshysy oblys ákimderine óńirlerdegi sanıtarlyq-epıdemıologııalyq ahýaldy turaqtandyrýǵa jáne azamattardy vaksınalaý jumystaryn jandandyrýǵa qatysty birqatar naqty tapsyrma berdi.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar