Qoǵam • 15 Sáýir, 2021

Qazaqstan halqynyń sany 18 917,2 myń adamdy qurady

1045 ret kórsetildi

Strategııalyq josparlaý jáne reformalar agenttiginiń Ulttyq statıstıka bıýrosy Qazaqstan halqynyń sany 18 mln 917 myńnan asqanyn málim etti, dep habarlaıdy Egemen.kz

«2021 jylǵy 1 naýryzǵa elimizdegi halyq sany 18 917,2 myń adamdy qurady. Onyń ishinde qalalyqtar – 11 187,2 myń (59,1%), aýyldyqtar –7 730,0 myń adam (40,9%). 2020 jylǵy 1 naýryzben salystyrǵanda halyq sany 245,3 myń adamǵa nemese 1,3 paıyzǵa ósti», delingen bıýro aqparatynda.

Vedomstvo málimetinshe, 2021 jylǵy qańtar-aqpanda respýblıka halqynyń tabıǵı ósimi 2020 jylǵy qańtarmen salystyrǵanda (42,0 myń adam) 0,2 paıyzǵa artyp, 42,1 myń adamdy qurady. Tabıǵı ósimniń jalpy koeffısıenti 1000 adamǵa shaqqanda – 13,71 adam.

AHAT organdary usynǵan azamattyq hal aktileri jazbalaryndaǵy málimetterdi óńdeý nátıjesinde 2021 jylǵy qańtar-aqpanda týǵandar sany 65,7 myń adamdy qurady. Bul 2020 jylǵy qańtar-aqpanǵa (64,7 myń adam) qaraǵanda 1,6 paıyzǵa kóp.

Týýdyń jalpy koeffısıenti 1000 adamǵa 21,41 týǵanǵa teń. Qarastyrylyp otyrǵan kezeńde qaıtys bolǵandar sany - 23,7 myń adam. Bul 2020 jylǵy qańtar-aqpanǵa (22,7 myń adam) qaraǵanda 4,2 paıyzǵa kóp. О́lim-jitimniń jalpy koeffısıenti 1000 adamǵa 7,70 qaıtys bolǵandy quraıdy. 2021 jylǵy qańtar-aqpanda respýblıkada 1 jasqa tolmaǵan 517 náreste shetinegen. 2020 jylǵy tıisti kezeńmen salystyrǵanda sábı ólimi (583 shetinegen) 11,3 paıyzǵa azaıdy.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar