Aımaqtar • 15 Sáýir, 2021

Shyǵys Qazaqstanda karantın 3 mamyrǵa deıin uzartyldy

9 ret kórsetildi

Shyǵys Qazaqstan oblysynda karantındik talaptar 3 mamyrǵa deıin uzartyldy, dep habarlaıdy Egemen.kz

ShQO Bas memlekettik sanıtarlyq dárigeriniń jańa qaýlysy jarııalandy. Onda jazylǵandaı, óńir boıynsha karantın 3 mamyrǵa deıin uzartyldy. Shekteý sharalarynyń merzimi oblys aýmaǵynda COVID-19 ınfeksııasynyń taralýy boıynsha ahýaldyń ózgerýine sáıkes qaıta qaralýy múmkin. 65 jastan asqan adamdarǵa jáne halyqtyń áleýmettik qorǵalatyn toptaryna birinshi kezekte qajetti taýarlardy, azyq-túlik pen dárilik zattardy jetkizýmen eriktiler aınalysady.

Memlekettik organdar men uıymdarda azamattardy jeke qabyldaýdy, qyzmetkerlerdiń qatysýymen keńester men semınarlardy ótkizýdi azaıtý qajet.

«Semeı qalasy, Abaı, Borodýlıha, Shemonaıha, Úrjar, Zaısan aýdandarynyń ákimderi, ShQO densaýlyq saqtaý basqarmasy, ShQO memlekettik kirister jáne polısııa departamentteri, qalalar men aýdandardyń sanıtarlyq-epıdemılogııalyq baqylaý basqarmalary óńirdiń syrtqy shekaralaryna kirip-shyǵýdy baqylaý úshin Almaty oblysy tarapyna qoıylatyn 2 jáne Qaraǵandy oblysynyń tusyndaǵy 1 sanıtarlyq bekettiń jumysyn qamtamasyz etýi tıis. «Qyzyl» aımaqtaǵy óńirden keletin adamda sanıtarlyq beketterdi kesip ótken kezde COVID-19 ınfeksııasynyń joqtyǵyn rastaıtyn PTR synamanyń teris nátıjesi týraly úsh táýlikten aspaıtyn anyqtamanyń bolýy mindetti», delingen qujatta.

Sondaı-aq áleýmettik qashyqty jáne maska rejımin saqtaǵan jaǵdaıda kóshede, saıabaqta, alańdar men jaǵalaýda serýendeýine ruqsat berilgen.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar