Bul birinshi kezekte shahar kósheleriniń mıllıon turǵyn turatyn qala talaptaryna saı emes ekendigin kórsetedi. Osy olqylyqtyń ornyn toltyrý maqsatynda byltyr qala ákimdigi D.Qonaev-T.Rysqulov pen Báıdibek bı-Arǵynbekov kósheleriniń qıylysynda jolaıryq qurylysyn salýdy josparlaǵan.
Byltyr bastalǵan D.Qonaev dańǵyly men T.Rysqulov kóshesiniń qıylysyndaǵy jolaıryq qurylysy kestege sáıkes júrgizilip keledi. Nysannyń uzyndyǵy D.Qonaev dańǵyly boıynsha bir shaqyrymdy, T.Rysqulov kóshesi boıynsha 0,7 shaqyrymdy quraıdy. Jyl sońyna deıin el ıgiligine paıdalanýǵa berý josparlanýda. Búgingi tańda munda 3,3 shaqyrym sý, gaz qubyrlarynyń ornyn aýystyrý, tonnel qazý, 60 metr tireý qabyrǵalaryn quıý, 7 baǵana ornatý jáne 75 qada quıý jumystary oryndaldy. Sonymen qatar atalǵan jolaıryqta jerasty ótkeliniń qurylysy josparlanǵan. Qurylystyń jobalaý-smetalyq qujattamasyn ázirleý úshin qarjy qarastyrylyp, memlekettik satyp alý konkýrsy júrgizilgen. Sáýir aıyndaǵy málimet boıynsha munda 270 metrge jýyq tireý qabyrǵalaryn quıý, 4 seksııa boıynsha tireý qabyrǵalarynyń qalybyn toqý, 1,92 shaqyrymdy quraıtyn sý qubyryn, 1,82 shaqyrymdyq gaz qubyryn, baılanys symdaryn ornatý jumystary aıaqtaldy. Sonymen qatar bıyl sáýir aıynyń sońyna deıin 30 myń tekshe metr jerdegi qurylys jumystaryn aıaqtaýdy josparlap otyr. Nátıjesinde, jobaǵa sáıkes T.Rysqulov kóshesiniń eni keńeıtilip, kedergili qorshaý ornatý qarastyrylǵan.
Qazirgi tańda D.Qonaev dańǵyly men T.Rysqulov kóshesiniń qıylysyndaǵy jolaıryq qurylysynyń ekinshi kezeńi qarqyn alýda. Bıyl 20 qańtarda iri jolaıryq qurylysynyń ekinshi kezeńi bastalǵan bolatyn. Bul kezeńde jol jabynyn buzý, ınjenerlik jelilerdi aýystyrý, tireý qabyrǵalaryn betondaý, jol ótkelin jáne jol jamylǵysyn salý jumystary oryndalatyn bolady. Qurylysqa «Bazis Construction» JShS jaýapty. Qazirgi ýaqytta nysanda gaz, sý qubyry jáne elektr jelilerin aýystyrý, sondaı-aq tonneldegi tireý qabyrǵalaryn quıý boıynsha qurylys jumystary júrgizilýde. Búginge deıin 26,5 shaqyrym ınjenerlik jelilerdiń 3,4 shaqyrymy nemese 13 paıyzy aýystyryldy. Infraqurylymdyq jeliler jol tóseminen bólek ornalasady. Elektr jelisiniń on baǵanasynyń jeteýi, quıylýy tıis 105 qadanyń 75-i, bolashaq tireý qabyrǵalarynyń 986 metriniń 50 metri ornatyldy.
«Mundaı nysandardy salý árdaıym qıyn, óıtkeni jumystar iri qalanyń halyq tyǵyz ornalasqan aýdanynda júrgizilýde. Munda jer ýchaskelerin alý, ınjenerlik kommýnıkasııalardy kóshirý máselelerin sheshý qajet. Sondaı-aq baılanys jelileriniń tyǵyzdyǵy óte joǵary, turǵyn úıler jaqyn jerde ornalasqan. Oǵan qosa elektr áýe jelisi – 110 kVt. Ony aýystyrý kerek», dedi qurylysqa jaýapty mamandar. Ekinshi kezeń qurylysynyń bastalýymen Qonaev dańǵylynda Jandosov kóshesinen Rysqulov kóshesine deıin jáne Báıdibek dańǵylynda Rysqulov kóshesinen Dýlatı kóshesine deıin qozǵalys tolyǵymen jabylyp, ashyq tıptegi tonnel bóliginiń qurylysy bastalady.
Aıta keterligi, búginge deıin jobaǵa bólingen qarjynyń 550 mln teńgesi ıgerilgen. 2021 jylǵa respýblıkalyq bıýdjetten 1 mlrd 100 mln, jergilikti bıýdjet esebinen 543,7 mln teńge qaralǵan.
Shahardaǵy kólik qozǵalysyn retteıtin endigi bir joba – Báıdibek bı-Arǵynbekov kósheleriniń qıylysynda salynatyn jolaıryq qurylysy.
Báıdibek bı-Arǵynbekov kósheleriniń qıylysynda kólik jolaıryǵyn salý qurylysynyń 1-shi kezeńine jaýapty merdiger mekeme – «Kazahdorstroı» JShS. Qurylys aýmaǵynyń uzyndyǵy Báıdibek bı dańǵyly boıynsha – 700, Arǵynbekov kóshesi boıynsha 921 metrdi quraıdy.
Qurylys 2020-2022 jyldar aralyǵyna josparlanyp, bıýdjetten jalpy 11,4 mlrd teńge qarjy qarastyrylǵan. Al osy jylǵa qaralǵany – 200 mln teńge. Osyǵan oraı jolaıryq túsetin mańdaǵy 61 jer telimin qaıtarý qajettigi týyndap otyr.
– Negizgi joldy jabýǵa deıin bıyl mamyr-qyrkúıek aılary aralyǵynda aǵashtardy tamyrymen julý, 3-4 sezderdegi baılanys jelilerin qaıta jaılastyrý, Arǵynbekov kóshesindegi 3-shi sezdegi tireý qabyrǵasyn salý jumystaryn júrgizý josparda. Sonymen qatar qazan-jeltoqsan aılary aralyǵynda Arǵynbekov kóshesiniń boıyndaǵy 3-shi sezdiń tireý qabyrǵasyn salý, tonnel boıynsha jer qazý jumystaryn júrgizý kózdelýde.
Atalǵan eki joba tolyq aıaqtalǵan jaǵdaıda qala ishindegi kólik keptelisi azaıyp, turǵyndar kepteliske túsip, ýaqyttan utylmaıtyn bolady, – deıdi qala ákiminiń orynbasary Maqsut Isaqov.
ShYMKENT
