Prezıdent • 16 Sáýir, 2021

Prezıdenttiń Sybaılas jemqorlyqqa qarsy is-qımyl jónindegi keńeste sóılegen sózi

1466 ret kórsetildi

Memleket basshysy Qasym-Jomart Toqaevtyń Sybaılas jemqorlyqqa qarsy is-qımyl jónindegi keńeste sóılegen sózi jarııalandy, dep habarlaıdy Egemen.kz

Prezıdent sóziniń mátinin Memleket basshysynyń baspasóz hatshysy Berik Ýálı óziniń Facebook paraqshasynda jarııalady.

«Meniń Jarlyǵyma sáıkes Alık Jatqambaıuly Shpekbaev Sybaılas jemqorlyqqa qarsy is-qımyl agenttiginiń tóraǵasy laýazymynan bosatyldy.

Agenttikte onyń basshylyǵymen jemqorlyqpen kúreste aýqymdy jumys atqaryldy.

Osy qurylymnyń qyzmeti aıtarlyqtaı jańǵyrdy. Jemqorlyqqa qarsy birqatar jobalar men bastamalar qolǵa alyndy. Solardyń qatarynda «ADALDYQ ALANY», «ANTIKOR ORTALYGY», «ADAL BILIM» jáne taǵy basqalary bar.

Alık Jatqambaıulyna osy qyzmettegi tabysty jumysy úshin alǵys aıtamyn.

Búgin meniń Jarlyǵyma sáıkes Sybaılas jemqorlyqqa qarsy is-qımyl agenttiginiń tóraǵasy laýazymyna Marat Muratuly Ahmetjanov taǵaıyndaldy. Memlekettik qyzmettegi tájirıbesi mol maman. Ádilet mınıstrliginde, Bas prokýratýrada basshylyq laýazymdardy atqardy. Kezinde Ekonomıkalyq qylmysqa jáne sybaılas jemqorlyqqa qarsy kúres agenttiginiń orynbasary boldy. Sondyqtan men ony osy laýazymǵa taǵaıyndaý týraly sheshim qabyldadym.

Jalpy, memlekettiń qaýipsizdigi jáne halyqtyń ál-aýqaty jemqorlyqpen kúreste júzege asyrylatyn júıeli ári tıimdi sharalarǵa tikeleı baılanysty.

Osyǵan oraı, Agenttik aldynda birqatar mańyzdy mindetter tur.

Birinshiden, sybaılas jemqorlyqqa qarsy is-qımyldy barlyq deńgeıde tıimdi júrgizý úshin keshendi jumys atqarý qajet.

Mundaı sharalar qylmystyq qýdalaý áreketimen ǵana shektelmeýi kerek. Ondaı tásildiń keri áseri bolady. Memlekettik apparat sheshim qabyldaýdan tartynyp, bıýrokratııaǵa boı aldyrady jáne laýazymdy tulǵalar jeke jaýapkershilik alýdan jaltarady.

Agenttik jumys barysynda jiberiletin qatelikterdi qasaqana jasalǵan qylmystardan ajyrata bilýge tıis. Sondaı-aq, kináli adamdy qylmystyń barlyq quramy bolǵan kezde ǵana jaýapqa tartýy qajet.

Ekinshiden, qoǵam ókilderiniń belsene atsalysýy jáne aldyn alý sharalary sybaılas jemqorlyqqa qarsy kúrestiń basty quraldaryna aınalýy kerek.

Qazirgi tańda meniń tapsyrmam boıynsha «Qoǵamdyq baqylaý týraly» zań daıyndalyp jatyr.

Bul qujat memlekettik organdardyń qoǵam aldyndaǵy ashyqtyǵy men eseptiligin qamtamasyz etýdi kózdeıdi. Sondaı-aq, belsendi azamattarǵa quqyqtyq baqylaý quraldaryn beredi. Osy zań jobasynyń áleýetin barynsha paıdalanyp, qoǵamdy jemqorlyqpen kúresýge keńinen tartý qajet.

Úshinshiden, qylmystyq jolmen alynǵan múlikti izdestirý jáne tárkileý isine basa mán bergen jón. Muny «follow the money» qaǵıdaty deıdi.

Qylmystyq jolmen alynǵan dúnıe-múlikti tárkileý jónindegi buljymas qaǵıdat sybaılas jemqorlyqqa qatysty kez kelgen is-áreketten aýlaq bolýǵa yntalandyrýǵa tıis. Bul jumysty Agenttik qarjy monıtorıngi organdarymen birlesip atqarýy kerek.

Meniń tapsyrmam boıynsha qylmystyq prosestiń úsh býyndy modeli engizilip jatyr. Mundaı model aıyptaýshylyq ustanymdy báseńdetip, qylmystyq proseske zańsyz aralasýdy boldyrmaıdy.

Agenttikke óz qyzmetin qylmystyq prosestiń úsh býyndy modeline beıimdeýdi tapsyramyn.

Jalpy, halyqaralyq ozyq tájirıbeni eskerip, sybaılas jemqorlyqqa qarsy bastamalardy engizýdi jalǵastyra bergen jón.

Qoǵam, bıznes jáne ınvestorlar sybaılas jemqorlyq qysymynan saqtaıtyn myqty qorǵan bar ekenin sezinýge tıis.

Jańa basshy Agenttik jumysynyń tıimdiligin odan ári arttyra túsedi dep senemin.

Eńbekterińiz jemisti bolsyn!», dedi Memleket basshysy.

 

Sońǵy jańalyqtar

Shýchede jańa sport kesheni salynady

Aımaqtar • Búgin, 18:59

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar