«Rýhanı jańǵyrý baǵdarlamasy aıasynda qalanyń biregeı sáýlet elementteri men biregeı erekshelikterin saqtaı otyryp, Túrkistannyń tarıhı ortalyǵyn qaıta jańǵyrtý boıynsha belsendi jumys jalǵasyp jatyr. Restavrasııa, rekonstrýksııa jáne arheologııalyq zertteýler boıynsha barlyq júrgiziletin jumystar halyqaralyq sarapshylardyń jáne IýNESKO sııaqty bedeldi uıymdardyń usynymdaryna sáıkes júrgizilip keledi», dedi Aqtoty Raıymqulova.
Budan soń, ol Áziret Sultan mýzeı-qoryǵynyń árbir nysanyn damytýdyń tujyrymdamalyq jospary ázirlengenin sóz etti.
«Tarıhı málimetter negizinde, sondaı-aq, elimizdiń tanymal ǵalymdaryn tarta otyryp, basty nysany – Qoja Ahmet Iаsaýı kesenesi bolyp tabylatyn Áziret Sultan mýzeı-qoryǵynyń árbir nysanyn damytýdyń tujyrymdamalyq jospary ázirlendi. Osylaısha qoldanystaǵy materıaldardy barynsha saqtaı otyryp, Qoja Ahmet Iаsaýı kesenesiniń bas kúmbezi jańartyldy», dedi mınıstr.
