Vıdeoda basqarma basshysy Shymkent mańynda ornalasqan Asar shaǵyn aýdanyndaǵy qalalyq juqpaly aýrýlar aýrýhanasynda ekendigin aıtady. Dárigerdiń aıtýynsha, ınfeksııa juqtyrǵan naýqastar osy aýrýhanaǵa jetkiziledi.
«Jansaqtaý bóliminde naýqas óte kóp. Kóbi 20 men 30 jáne 40 jastaǵy adamdar. Olar qazir óte aýyr jaǵdaıda. Barlyǵyńyzdy koronavırýsqa qarsy vaksına salýǵa shaqyramyn. Búginde Shymkenttiń barlyq memlekettik jáne medısınalyq mekemesinde «Spýtnık V» vaksınasyn tegin salǵyzýǵa bolady», dedi ol.
Vıdeo kadrlarynan bólimshedegi barlyq tósekterdiń bos emestigin ańǵarýǵa bolady. Naýqastardyń keıbireýi jasandy tynys alý apparatynda jatyr, sondaı-aq arnaıy qurylǵynyń ózimen dem alýy qıyndap jatqan naýqastardy kórýge bolady.
Gaýhar QAPASh
