Onyń aıtýysha, eńbek naryǵyndaǵy suranysqa baılanysty oqytý kýrstary uıymdastyrylatyn bolady.
«Qajetti mamandyqtar atlasy jasaldy. Búginde elimizde ǵana emes, basqa memleketterde de ózgerister bolyp jatyr. Sebebi, eńbek naryǵy óte jyljymaly, jahandaný bar, kóp jerlerde shekara joq, otandastarymyz shetelge baryp jumys isteýde, bizge de shetelden kelip jatyr, pandemııa kezinde shekara jabylǵandyqtan olardyń sany azaıdy. Biraq bolashaqta mundaı prosester bolady. Bolashaqta qandaı mamandyqtar joıylady, qandaı mamandyqtar transformasııaǵa ushyraıdy, qandaı mamandyqtar suranysqa ıe bolady, osynyń bárine saraptama júrgizildi», dedi E.Birjanov.
Onyń aıtýynsha, qazir sıfrlyq tehnologııa boıynsha jańa mamandyqtar shyǵyp jatyr. Al esepshiler, eńbekaqy sanaıtyndar joıylyp bara jatqan mamandyqqa jatady. О́ıtkeni, jańa tehnologııalar engizilip jatyr, bul jumys oryndary qysqaryp, bári avtomattandyrylady. Bul vedomstvo ókili qazir jastarǵa suranysqa ıe mamandyq boıynsha bilim alýǵa keńes berdi.
