EKOSOS Halyqaralyq ekonomıkalyq jáne áleýmettik máselelerdi talqylaý jáne densaýlyq saqtaý salasyndaǵy jahandyq problemalardy sheshý joldaryn qosa alǵanda, múshe memleketter men Birikken Ulttar Uıymy júıesine arnalǵan usynymdardy ázirleý úshin tıimdi alań retinde tanymal. Álemde vaksınalardyń birkelki bólinbeý jaǵdaıyn talqylaý aıasynda Alekseı Soı kóterilgen máseleniń ózektiligin aıta otyryp, málimdeme jasady.
«Álem COVID-19-ben kúresip jatqandyqtan, bul pandemııanyń eń aýyr aýyrtpalyǵy barlyq elderge, ásirese erekshe jaǵdaıdaǵy, sonyń ishinde teńizge qol jetimdi emes damýshy elderge teris áser etedi. Sonymen birge, COVID-19 vaksınalaryna qol jetimdiliktiń teńsizdigi kedeı jáne baı elder arasyndaǵy alshaqtyqty odan ári tereńdetedi. Biz bas hatshy Antonıý Gýterrısh pen Dúnıejúzilik densaýlyq saqtaý uıymynyń birlesken jumysy úshin «GAVI» (vaksınalar men ımmýndaý jónindegi jahandyq alıans) jáne «CEPI» (vaksınalardy ázirleý jónindegi halyqaralyq alıans) COVAX bastamasynyń ortaq maqsattaryna jetý jónindegi kúsh - jigerin joǵary baǵalaımyz», dedi ol.
Qazaqstan Respýblıkasynyń Densaýlyq saqtaý mınıstri usynylǵan múmkindikti paıdalana otyryp, iri ekonomıkalardy, halyqaralyq qarjy mekemelerin jáne basqa da múddeli taraptardy álemniń osy máseledegi eń osal elderiniń vaksınalaryna teń qol jetkizýdi qamtamasyz etý úshin eleýli qadamdar jasaýǵa shaqyrdy. Alekseı Soı óz halqyn vaksınalarmen qamtamasyz etken elderge artyqshylyqty eń osal elderge qurban etýge shaqyrdy. Sondaı-aq, ol COVAX deldaldaryn erekshe jaǵdaıǵa tap bolǵan elder úshin dozalardyń paıyzdyq mólsherin arttyrýdy qarastyrýǵa shaqyrdy. Buǵan COVAX qorynyń úzdiksiz jáne boljamdy jumysyna kepildik beretin iri ekonomıkalar klýbynyń ósýi men belsendi qarjylandyrýy arqyly qol jetkizýge bolady. Sonymen qatar, Alekseı Soı «Vaksınalar men dári-dármekterdi qosa alǵanda, arzan medısınalyq ónimderge ýaqtyly qol jetkizýdi nemese negizgi medısınalyq ónimderdi zertteý, ázirleý, óndirý jáne jetkizý aýqymyn keńeıtýdi qosa alǵanda DSU múshelerin COVID-19-ǵa tıisti qaraýǵa kómektesý úshin TRIPS-tiń tıisti mindettemelerinen ýaqytsha bas tartýǵa shaqyrý týraly» atap ótti.
