Vedomstvonyń málimetinshe, qaıǵyly jaǵdaı sáýirdiń 16-da Bektaý aýyly mańynda bolǵan.
«Anyqtalǵandaı, qarǵyn sý shaıyp ketken avtojolmen qıyrshyq tas zaýytyna bara jatqan «Shansıman» júk kóligi jolda batyp qalady. Býldozer traktorymen súırep shyǵarý kezinde júk kóligi aýdarylyp, aldymen kabınasy keıin túgel sýǵa batady. Osy kezde kólik ishinde bolǵan júrgizýshi syrtqa shyǵa almaı, oqıǵa ornynda kóz jumdy», deıdi vedomstvodan.
Qazirgi kezde júrgizýshiniń denesi Nur-Sultan qalasyndaǵy máıithanaǵa jiberildi. Sonymen birge, Qylmystyq kodekstiń 156-babynyń 3-bóligi «Eńbekti qorǵaý erejesiniń buzylýy» boıynsha sotqa deıingi tergeý amaldary qolǵa alyndy.
Aıta keteıik, áleýmettik jelilerde Shortandy aýdany aýmaǵynda júk kóliginiń súıreý kezinde sýǵa aýdarylǵany týraly beınejazba tarap jatyr. Onda kólik ishindegi júrgizýshini kýágerler qutqarmaqshy bolǵanyn kórýge bolady.
