«Astana» Petropavldyń «Qyzyl-Jar» klýbyn qabyldady. Báseke bastalǵan bette Abzal Beısebekov esep ashty. Onyń 25 metrdeı qashyqtyqtan tepken dobyna qaqpashy tosqaýl qoıa almady. 40-mınýtta Álibek Qasym tarazy basyn teńestirdi. Bul jaǵdaıdyń alań ıelerin qanaǵattandyrmaǵany anyq. Úzilisten keıin olar qarqynyn kúrt kúsheıtti. 65-mınýtta Marın Tomasov elordalyqtardy alǵa shyǵarsa, arada eki mınýt ótkennen soń Ebong úshinshi goldy soqty – 3:1. Odan keıin tablodaǵy esep ózgergen joq. Osy jeńisten keıin «Astana» jarys kestesinde qaıta birinshi orynǵa kóterildi.
«Taraz» Oraldyń «Aqjaıyǵyn» 1:0 esebimen utty. Bul matchta soǵylǵan jalǵyz doptyń avtory – Pedro Eýjenıo. Ol ekinshi taım bastalǵan bette qonaqtar qaqpasynyń kiltin tapty.
Qyzylordanyń «Qaısary» men «Atyraý» arasyndaǵy kezdesýdiń 4-mınýtynda Karolıs Laýkjemıs alań ıelerin alǵa shyǵardy. Bul esep uzaqqa deıin saqtaldy. Oıynnyń aıaqtalýyna jeti mınýt qalǵanda Dmıtrıı Gýz qarymta qaıyrdy – 1:1.
Keshe taǵy tórt kezdesý ótti. Bul matchtarda «Jetisý» men «Ordabasy», «Aqtóbe» men «Shahter», «Qaırat» pen «Tobyl» jáne «Turan» men «Kaspıı» klýbtary sheberlik baıqasty.
