Jergilikti turǵyndar mundaı qubylysty buryn-sońdy kórmegenin aıtady. Iri pishindegi muz synyqtarynyń tasjoldyń betin jaýyp, jyljyp bara jatqany túsirilgen vıdeo ınternette jarııalandy.
Qostanaı oblysynyń jolaýshylar kóligi jáne avtomobıl joldary basqarmasy Sarykól aýdanyndaǵy respýblıkalyq mańyzy bar tasjoldaǵy jaǵdaıǵa túsinikteme berdi.
«18 sáýirden bastap Sarykól aýdanyndaǵy jol qozǵalysy jabyq. Naqtyraq aıtqanda Sarykól aýdanyndaǵy Sevastopol aýyly mańynan ótetin respýblıkalyq mańyzy bar jol. Muzdy blok joldy shamamen 500 metrge deıin jaýyp tastaǵan. Bıiktigi 5 metrge deıin jetedi. Bul – tabıǵı qubylys. Munyń bári qatty jeldiń saldarynan boldy», deıdi jolaýshylar kóligi basqarmasynyń basshysy Oljas Nurǵalıev.
