Buqaralyq aqparat quraldarynyń málimetinshe, Moýrınıýdi qyzmetinen bosatý «Tottenhemge» 30 mıllıon fýnt sterlıngke túsedi. 58 jasar maman «Tottenhem» fýtbol klýbyna 2019 jyldyń qarashasynan bastap basshylyq etedi. Kelisimshartqa sáıkes, ol bul uıymda aldaǵy jyldyń 23 maýsymyna deıin qyzmet etýi tıis.
«Tottenhem» osy maýsymda 32 týrdan keıin 50 upaımen Anglııa premer-lıgasynda jetinshi orynda tur.
Aıta keteıik, Moýrınıý bas bapker retinde portýgaldyq «Benfıka», «Iýnıan Leırııa» jáne «Portý» klýbtaryn, ıtalıandyq «Inter», aǵylshyndyq «Chelsı», «Manchester Iýnaıted» pen ıspandyq «Realdy» basqarǵan.
2017 jyldyń basynda UEFA Joze Moýrınıýdi 1954 jyly uıym qurylǵannan bergi eýropalyq fýtboldyń eń jaqsy on jattyqtyrýshysynyń tizimine qosqan.
